جامبىل وبلىسى مادەنيەت جانە تىلدەردى دامىتۋ باسقارماسىنىڭ قولداۋىمەن وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسى «جامبىل جاباەۆ بۇگىن Instagram-دا نە تۋرالى جازار ەدى؟» اتتى رۋح پەن تەحنولوگيانى ۇشتاستىرعان شىعارماشىلىق بايقاۋ وتكىزدى.
ءىس-شارا پرەزيدەنت قاسىم-جومارت توقاەۆتىڭ 2026 جىلدى جاساندى ينتەللەكت جىلى دەپ جاريالاۋ باستاماسىمەن ۇندەسىپ, ءداستۇرلى مادەني مۇرا مەن زاماناۋي تسيفرلىق تەحنولوگيانى بىرىكتىرۋگە باعىتتالدى.
جاڭا فورماتتاعى ناۋرىز مەرەكەسى: روبوت-كوكپار ەل تۇرعىندارىن تاڭعالدىردى
بايقاۋدىڭ ەرەكشەلىگى – جاساندى ينتەللەكت نەگىزىندەگى «تەمىربەك» اتتى تسيفرلى جۇرگىزۋشىنىڭ قاتىسۋى بولدى. ءىس-شارا اياسىندا كىتاپ جانە روبوتوتەحنيكا كورمەلەرى ۇيىمداستىرىلىپ, برايل قارپىندەگى باسىلىمنىڭ تۇساۋكەسەرى ۇيىمداستىرىلدى. سونداي-اق درون ارقىلى اۋەدە اقىن پورترەتى كورسەتىلىپ, جامبىل مەن قۇلمامبەت ايتىسىنىڭ جاڭاشا فورماتتاعى كورىنىسى ساحنالاندى. بۇل كورىنىس عاسىرلار ءۇنىن بۇگىنگى تەحنولوگيامەن ۇيلەستىرگەن اسەرلى ساتتەردىڭ ءبىرى بولدى.
بايقاۋعا وڭىردەگى جەتەكشى وقۋ ورىندارى مەن مادەني مەكەمەلەردەن 30-عا جۋىق جۇمىس ۇسىنىلدى.
روبوتوتەحنيكا – ءبىلىم بەرۋدىڭ وزەكتى باعىتى: ماڭعىستاۋ جاستارىنىڭ ينجەنەرلىك ىزدەنىسى
بايقاۋ قورىتىندىسى بويىنشا جۇلدەلى ورىندار تومەندەگىدەي انىقتالدى:
ءى ورىن – جاقسىمبەتوۆا گۇلسىم, «الەم» كاسىبي ءبىلىم بەرۋ كوللەدجىنىڭ كىتاپحاناشىسى;
ءىى ورىن – بەيسەن ەدىگە, IT مامانداندىرىلعان ليتسەيىنىڭ وقۋشىسى;
ءىىى ورىن – ۇركۋمباەۆا ايگەرىم جامبىل اۋداندىق زاعيپ جانە كوزى ءالسىز كورەتىن ازاماتتار ءبولىمىنىڭ كىتاپحاناشىسى.
سونداي-اق «ۇزدىك ۆيزۋال», «يۋمور», «ادەبي سىن», «وي ۇشقىرلىعى» نوميناتسيالارى بويىنشا جەڭىمپازدار ماراپاتتالىپ, ارنايى سىيلىقتار تابىستالدى. قالعان قاتىسۋشىلارعا العىس حاتتار بەرىلدى.
نۇربولات امانبەك
