فوتو: اشىق دەرەككوز
ۇلىتاۋ جانە قاراعاندى وبلىستارى
ساعات 07:30-دان باستاپ «قىزىلوردا – جەزقازعان – قاراعاندى – شىدەرتى» اۆتوجولىنىڭ 433-788 شاقىرىم ارالىعىنداعى ۋچاسكەسى (جەزقازعان قالاسى مەن قاراعاندى وبلىسى شەكاراسى اراسىنداعى بولىك) ۋاقىتشا جابىلدى. جول قوزعالىسىن قالپىنا كەلتىرۋدىڭ بولجامدى ۋاقىتى 11:30-عا بەكىتىلگەن.
اباي وبلىسى
ساعات 09:00-دەن باستاپ اباي وبلىسىنداعى بىرنەشە رەسپۋبليكالىق ماڭىزى بار اۆتوجولداردا قوزعالىس ۋاقىتشا شەكتەلدى.
اتاپ ايتقاندا:
- «قحر شەكاراسى – مايقاپشاعاي – قالباتاۋ – سەمەي – پاۆلودار – رف شەكاراسى» اۆتوجولىنىڭ 756-906 كم ارالىعى;
- «الماتى – تالدىقورعان – وسكەمەن – شەمونايحا – رف شەكاراسى» اۆتوجولىنىڭ 778-967 كم جانە 971-1013 كم ارالىقتارى;
- «وسكەمەن – سەمەي» اۆتوجولىنىڭ 103-198 كم ارالىعى.
اتالعان ۋچاسكەلەر بويىنشا قوزعالىستىڭ اشىلۋى 14:00-15:00 ارالىعىنا جوسپارلانعان.
شىعىس قازاقستان وبلىسى
ساعات 09:00-دە شىعىس قازاقستان وبلىسىندا دا بىرقاتار جول ۋچاسكەلەرى جابىلدى. ولاردىڭ قاتارىندا:
- «وسكەمەن – سەمەي» اۆتوجولىنىڭ 12-45 كم جانە 48-103 كم ارالىقتارى;
- «وسكەمەن – ريددەر – رف شەكاراسى» اۆتوجولى (0-105 كم);
- «وسكەمەن – التاي – ۇلكەن نارىن – كاتونقاراعاي – راحمان قاينارلارى» اۆتوجولى (7-166 كم);
- «الماتى – تالدىقورعان – وسكەمەن – شەمونايحا – رف شەكاراسى» اۆتوجولىنىڭ 1089-1191 كم جانە 1013-1062 كم ارالىقتارى.
اتالعان باعىتتار بويىنشا قوزعالىستىڭ اشىلۋى شامامەن 14:00-گە جوسپارلانعان.
اۋا رايىنىڭ قولايسىزدىعىنا بايلانىستى «قازاۆتوجول» اق جۇرگىزۋشىلەردەن جولعا شىعار الدىندا قاۋىپسىزدىك ەرەجەلەرىن ساقتاۋعا شاقىرادى.
نۇربولات امانبەك
