فوتو: اشىق دەرەككوز
«قازگيدرومەت» تاراتقان مالىمەتكە سايكەس, وڭتۇستىك جانە وڭتۇستىك-شىعىس وڭىرلەردە جاڭبىر, نايزاعاي, بۇرشاق جيىلەپ, داۋىل كۇشەيەدى. تۇركىستان وبلىسىنىڭ تاۋلى ايماقتارىندا قاتتى جاۋىن-شاشىن مەن تۇمان كۇتىلەدى. جەلدىڭ جىلدامدىعى 15-20 م/س-قا دەيىن جەتەدى. بۇل قۇبىلىس شىمكەنت پەن تۇركىستان قالالارىندا دا بايقالادى.
جەتىسۋ وبلىسىندا دا كۇن رايى قۇبىلمالى بولادى. تاۋلى وڭىرلەردە نوسەر جاۋىن, بۇرشاق جانە داۋىل بولجانىپ وتىر. كەي جەرلەردە جەلدىڭ ەكپىنى 23-28 م/س-قا دەيىن كۇشەيۋى ىقتيمال.
الماتى وبلىسىندا, اسىرەسە ىلە الاتاۋى ماڭىندا, جاۋىن-شاشىن مەن قار ارالاس جاڭبىر جاۋادى. كۇندىز بۇرشاق ارالاس داۋىل سوعىپ, جەلدىڭ جىلدامدىعى 17-22 م/س, كەيدە 28 م/س-قا دەيىن جەتەدى. الماتى مەن قوناەۆ قالالارىندا نايزاعايلى جاڭبىر كۇتىلەدى.
ورتالىق جانە شىعىس ايماقتاردا دا جاعداي كۇردەلى. ۇلىتاۋ, قاراعاندى, شىعىس قازاقستان جانە اباي وبلىستارىندا جاۋىن-شاشىن قارمەن ارالاسىپ, كوكتايعاق بولادى. كەي جەرلەردە تۇمان ءتۇسىپ, جەلدىڭ ەكپىنى 25 م/س-قا دەيىن كۇشەيۋى مۇمكىن.
باتىس وڭىرلەردە نەگىزىنەن تۇمان باسىم بولادى. اتىراۋ, باتىس قازاقستان جانە ماڭعىستاۋ وبلىستارىندا, سونداي-اق ورال مەن اقتاۋ قالالارىندا كورىنۋ قاشىقتىعى تومەندەيدى.
قىزىلوردا وبلىسىندا شاڭدى داۋىل قاۋپى بار. مۇندا جاڭبىر مەن نايزاعاي قاتار ءجۇرىپ, جەلدىڭ ەكپىنى 15-20 م/س-قا جەتەدى.
سولتۇستىك وڭىرلەردە دە جەل كۇشەيەدى. قوستاناي مەن سولتۇستىك قازاقستان وبلىستارىندا تۇمان مەن ەكپىندى جەل بولادى. ال پاۆلودار وبلىسىندا جەلدىڭ جىلدامدىعى 15-20 م/س دەڭگەيىندە ساقتالادى.
جامبىل وبلىسىندا جاڭبىر, نايزاعاي جانە بۇرشاق ارالاس داۋىل كۇتىلەدى. تاۋلى ايماقتاردا تۇندە قار ارالاس جاۋىن-شاشىن بولۋى ىقتيمال.
سينوپتيكتەردىڭ ايتۋىنشا, بىرقاتار وڭىردە ءورت قاۋپى ساقتالادى. سونىمەن قاتار, كوكتايعاق پەن ەكپىندى جەل تۇرعىندار ءۇشىن قوسىمشا قاۋىپ ءتوندىرۋى مۇمكىن.
بولجامدار ناقتىلانا تۇسپەك: «قازگيدرومەت» سۋپەركومپيۋتەردى پايدالانا باستادى
