فوتو: Depositphotos.com
مەگاپوليستىڭ توتەنشە جاعدايلار دەپارتامەنتىنىڭ مالىمەتىنشە, وقيعا بوستاندىق اۋدانىنداعى «رەميزوۆكا» باۋ-باقشا سەرىكتەستىگىندە بولعان. قۇتقارۋشىلارعا شاقىرتۋ 16 ءساۋىر كۇنى كەشكى ۋاقىتتا تۇسكەن.
وقيعا ورنىنا بارعان ماماندار مول جاۋىن-شاشىن سالدارىنان توپىراقتىڭ شامادان تىس ىلعالدانىپ, سونىڭ ناتيجەسىندە كولەمى 300 م² بولاتىن توپىراق ماسساسىنىڭ ءىشىنارا جىلجىعانىن انىقتاعان. سالدارىنان ءۇيدىڭ شاتىرى زاقىمدانعان.
توتەنشە جاعداي ورنىنا 40 قىزمەتكەر جۇمىلدىرىلدى. قۇتقارۋشىلاردىڭ ايتۋىنشا, زارداپ شەككەندەر تىركەلمەگەن.
قالادا جاڭبىر ەكىنشى تاۋلىك قاتارىنان جاۋىپ تۇر. وسىعان بايلانىستى ماماندار تۇرعىندارعا قاۋىپسىزدىك شارالارىن قاتاڭ ساقتاۋدى ەسكەرتتى. اسىرەسە تاۋعا بارۋدى ۋاقىتشا كەيىنگە قالدىرۋعا شاقىرادى.
كوشكىننىڭ الدىن الۋ ءۇشىن قۇتقارۋشىلار مىناداي ۇسىنىستار ايتتى:
– گەرمەتيكالىق ەمەس سەپتيكتەردى, شۇڭقىرلاردى جانە دارەتحانالاردى پايدالانباۋ;
– جەكە ءۇي يەلەرى مەن باۋ-باقشا سەرىكتەستىكتەرىنىڭ باسشىلارىنا سۋارۋ قۇبىرلارىن, كارىز جانە درەناج جۇيەلەرىن تۇراقتى باقىلاۋدا ۇستاۋ;
– ۋچاسكەلەردە سۋدىڭ جينالۋىنا جول بەرمەي, جاڭبىر جانە ەرىگەن قار سۋلارىن ۋاقتىلى بۇرۋدى قامتاماسىز ەتۋ.
مامانداردىڭ ايتۋىنشا, جاۋىن-شاشىن كەزىندە توپىراقتىڭ شامادان تىس ىلعالدانۋى كوشكىن قاۋپىن ارتتىرادى, سوندىقتان ءار تۇرعىن ساقتىق شارالارىن نازاردان شىعارماۋى ءتيىس.
بولجامدار ناقتىلانا تۇسپەك: «قازگيدرومەت» سۋپەركومپيۋتەردى پايدالانا باستادى
