كوللاج Egemen.kz
بۇل ءتىزىم 1999 جىلدان بەرى قالىپتاسىپ كەلەدى. العاشىندا ول حح عاسىردىڭ 100 كورنەكتى تۇلعالارىنىڭ ءتىزىمى رەتىندە ۇسىنىلسا, 2004 جىلدان باستاپ جىل سايىنعى الەمدەگى ەڭ ىقپالدى ادامدار رەيتينگىنە اينالدى.
2026 جىلعى تىزىمگە ەنگەن ەڭ جاس قاتىسۋشى – 20 جاستاعى مانەرلەپ سىرعاناۋشى, وليمپيادا چەمپيونى اليسا ليۋ. ول ءبىر جىل ىشىندە الەم چەمپيوناتىنىڭ, گران-پري فينالىنىڭ جانە وليمپيادا ويىندارىنىڭ جەڭىمپازى اتانعان. ال ەڭ ەگدە قاتىسۋشى – 96 جاستاعى امەريكالىق قۇقىق قورعاۋشى, اۋىل شارۋاشىلىعى جۇمىسشىلارىنىڭ قۇقىقتارىن قورعاۋ قوزعالىسىنىڭ جەتەكشىسى دولورەس ۋەرتا.
رەيتينگ «ارتىستەر», «پيونەرلەر», «تيتاندار», «يكونالار», «كوشباسشىلار» مەن «يننوۆاتورلار» سەكىلدى التى نەگىزگى سانات بويىنشا قالىپتاستىرىلعان.
الەمدەگى ەڭ باي ادام: يلون ماسكتىڭ داۋلەتى 800 ملرد دوللاردان استى
«كوشباسشىلار» ساناتىندا الەمنىڭ 25 ساياسي جانە قوعامدىق قايراتكەرى قامتىلعان. ولاردىڭ قاتارىندا اقش پرەزيدەنتى دونالد ترامپ, ريم پاپاسى, مەكسيكا پرەزيدەنتى كلاۋديا شەينباۋم, اقش مەملەكەتتىك حاتشىسى ماركو رۋبيو, يزرايل پرەمەر-ءمينيسترى بينيامين نەتانياحۋ جانە قىتاي حالىق رەسپۋبليكاسىنىڭ توراعاسى سي تسزينپين بار. سي تسزينپين بۇل تىزىمگە 14-رەت ەنىپ, رەكوردتىق كورسەتكىشكە قول جەتكىزگەن.
نۇربولات امانبەك
