«جالپى سۇيىلتىلعان مۇناي گازىن بەرۋ جوسپارىن قالىپتاستىرۋ قاعيدالارى ەنەرگەتيكا مينيسترلىگىنىڭ ارنايى بۇيرىعىمەن بەكىتىلگەن. وسىعان سايكەس, سۇيىلتىلعان مۇناي گازىن بەرۋ وتىنىمدەرىن قالىپتاستىرۋ جونىندەگى كوميسسيا قۇرىلعان بولاتىن. ولار ءوز قۇزىرەتى بويىنشا قاجەتتى گاز كولەمىن انىقتاپ, ءتيىستى مينيسترلىككە جولدايدى. وسى بويىنشا, وبلىسقا قاجەتتى اي سايىنعى گازدىڭ كولەمىن انىقتايمىز. بۇگىندە اي سايىن 10 مىڭ توننا گاز قاجەت. سونىمەن قاتار وسى جىلدان باستاپ گاز جەلىسى ۇيىمدارىنا بولىنەتىن گازدىڭ بەلگىلى ءبىر مولشەرى ەلەكتروندى ساۋدا الاڭدارى ارقىلى ءبولىنىپ كەلەدى. قازىرگى تاڭدا سۇيىق گازدىڭ تاپشىلىعى جانە گاز باعاسىنىڭ ءوسۋى بايقالادى. وسىعان بايلانىستى ءتيىستى مەكەمەلەردەن اي سايىن كەرەكتى مالىمەتتەردى الامىز. ماسەلەن, وبلىستا 150 مىڭنان استام اۆتوكولىك بولسا, ونىڭ 23600-ءى گازبەن جۇرەدى. گاز باعاسى بويىنشا ايتاتىن بولساق, ارنايى باسەكەلەستىك نارىعىن رەتتەيتىن مەكەمە بار. ول مەكەمە باعانىڭ نەگىزسىز كوتەرىلمەۋىن قاداعالايدى. قولدا بار مالىمەت بويىنشا اۆتوگاز قۇيۋ بەكەتتەرىندە 85 پەن 95 تەڭگە اراسىندا ساتىلۋدا», دەدى باسقارما باسشىسىنىڭ ورىنباسارى ەرلان جولامانوۆ.
