قازاقستان • 14 قازان، 2021

Elorda Jastary تۇرعىن ءۇي باعدارلاماسىنا ءوتىنىم قابىلداۋ باستالدى

75 رەت كورسەتىلدى

بۇگىن، 14 قازاندا ەلوردادا جاستارعا ارنالعان Elorda Jastary ارنايى تۇرعىن ءۇي باعدارلاماسىنا قاتىسۋعا وتىنىمدەر قابىلداۋ باستالدى. قۇجاتتار 21 قازانعا دەيىن قابىلدانادى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

ەستەرىڭىزگە سالا كەتەيىك، جەڭىلدەتىلگەن نەسيە بەرۋ باعدارلاماسىن ەلوردا اكىمدىگى «وتباسى بانك» اق-مەن بىرلەسىپ، مەديتسينا، پەداگوگيكا سالاسىنىڭ قىزمەتكەرلەرى، مادەنيەت، الەۋمەتتىك سالا، كوممۋنالدىق كاسىپورىندار مەن ەلوردا مەكەمەلەرىنىڭ، پوليتسيا جانە تج دەپارتامەنتتەرىنىڭ قىزمەتكەرلەرى، جاتتىقتىرۋشىلار مەن سپورتشىلار-وقىتۋشىلار، جۋرناليستەر جانە ت. ب. بولىپ تابىلاتىن 35 جاسقا دەيىنگى (35 جاستى قوسا العاندا) جاستارعا ارنالعان.

اتالعان تۇرعىن ءۇي باعدارلاماسىن جۇزەگە اسىرۋعا اكىمدىكتىڭ 2021-2023 جىلدارعا ارنالعان Elorda Jastary باعدارلاماسى كومەكتەسەدى. Elorda Jastary باعدارلاماسى جاستارعا، سونىڭ ىشىندە تۇرعىن ءۇي جەلىسى بويىنشا تولىق قولداۋ كورسەتۋگە باعىتتالعان. سونىمەن قاتار، Elorda Jastary باعدارلاماسىندا ءبىلىم بەرۋ، جۇمىسپەن قامتۋ، بوس ۋاقىتتى وتكىزۋ جانە ت. ب. باعىتتار بار.

بۇل تۇرعىن ءۇي باعدارلاماسىنىڭ مىندەتتى شارتى - وتباسى بانكىنىڭ سالىمشىسى بولۋ (1.8 ملن.تەڭگەدەن كەم ەمەس دەپوزيتى بولۋ كەرەك).

Elorda Jastary باعدارلاماسىنىڭ شارتتارى كەلەسىدەي:

- قارىز سوماسى 18 ملن. تەڭگەگە دەيىن;

- پايىزدىق مولشەرلەمە - جىلدىق 5%;

- باستاپقى جارنا 10%;

- نەسيەلەۋ مەرزىمى 25 جىلعا دەيىن;

- «قتك» اق كەپىلدىگى بولعان جاعدايدا، باستاپقى/قايتالاما نارىقتارداعى پايدالانۋعا بەرىلگەن تۇرعىن ءۇي نە ۇلەستىك قاتىسۋ شارتى بويىنشا سالىنىپ جاتقان تۇرعىن ءۇي.

جوعارىدا اتالعان شارتتارمەن قاتار باعدارلاماعا قاتىسۋعا ۇمىتكەر مەن ونىڭ وتباسى مۇشەلەرىنىڭ سوڭعى 5 جىل ىشىندە مەنشىگىندە ساتىپ الۋ قۇقىعىمەن تۇرعىن ءۇيى نەمەسە جالعا بەرىلەتىن تۇرعىن ءۇيى بولماۋعا ءتيىس. سونداي-اق، ءوتىنىش بەرۋشىگە كەمىندە سوڭعى 1 جىل بويى نۇر-سۇلتان قالاسىندا تۇراقتى تىركەۋى جانە ءوتىنىش بەرۋشىنىڭ وتباسى مۇشەلەرىن نۇر-سۇلتان قالاسىندا تىركەۋى مىندەتتى.

وتىنىمدەردى قابىلداۋ تەك ەلەكتروندى تۇردە qatysu.zhilfond.kz پورتالى ارقىلى جۇزەگە اسىرىلادى. 

قاجەتتى قۇجاتتار ءتىزىمى:

  1. ازاماتتىق حال اكتىلەرىن مەملەكەتتىك تىركەۋ تۋرالى كۋالىك (بالا تۋ، نەكە قيۋ، نەكەنى بۇزۋ جانە ت. ب.);
  2. ءوتىنىش بەرۋشىگە جانە قازاقستان رەسپۋبليكاسى بويىنشا وتباسىنىڭ بارلىق مۇشەلەرىنە جىلجىمايتىن م ۇلىكتىڭ بولماۋى (بولۋى) تۋرالى انىقتاما;
  3. ۇيىمنىڭ/مەكەمەنىڭ فيرمالىق بلانكىسىندە انىقتاما بەرىلگەن كۇنى، شىعىس ءنومىرى، جۇمىسقا ورنالاسقان كۇنى جانە اتقاراتىن لاۋازىمى مەن لاۋازىمدىق جالاقىسى كورسەتىلگەن جۇمىس ورنىنان بەرىلگەن انىقتاما. رەسمي بلانك بولماعان جاعدايدا انىقتامادا ۇيىمنىڭ ءمورى بولۋى ءتيىس;
  4. قازاقستان رەسپۋبليكاسى ەڭبەك كودەكسىنىڭ 35-بابىنا سايكەس ەڭبەك ءوتىلىن راستايتىن قۇجاتتار (قىزمەتتىك ءتىزىم، ەڭبەك كىتابى نەمەسە ت. ب.);
  5. ەڭبەك قىزمەتىنىڭ بارلىق كەزەڭى ءۇشىن زەينەتاقى اۋدارىمدارى تۋرالى ءۇزىندى-كوشىرمە ەرلى-زايىپتىلاردىڭ ەكەۋىنە دە (جۇبايى (زايىبى);
  6. ەگەر بولسا: ءوتىنىش بەرۋشىگە نەمەسە ونىڭ وتباسى مۇشەلەرىنە (جۇبايى، بالالارى) مۇگەدەكتىگى تۋرالى انىقتاما;
  7. دەپوزيتتە جيناقتالعان سومانى كورسەتە وتىرىپ، «وتباسى بانك» اق-دا دەپوزيتتىك شوتتىڭ بولۋى تۋرالى انىقتاما (ەرلى-زايىپتىلاردىڭ ەكەۋىنە دە، جيناقتالعان سوما 1.8 ملن. تەڭگەدەن كەم بولماۋى ءتيىس);
  8. جۇمىس ىستەيتىن ەرلى-زايىپتىلاردىڭ ەكەۋىندە دە سوڭعى 6 ايداعى تابىسى تۋرالى جۇمىس ورنىنان انىقتاما بولۋى ءتيىس;
  9. جوعارى نەمەسە ورتا ارناۋلى ءبىلىمى تۋرالى قۇجات.

قاتىسۋشىلاردى ىرىكتەۋ باللداردى ەسەپتەۋ ارقىلى جۇرگىزىلەدى.

باعدارلاما تۋرالى تولىق اقپاراتتى zhilfond.kz سايتىنان الۋعا بولادى، سونداي-اق، مىنا تەلەفون نومىرلەرى بويىنشا قوڭىراۋ شالۋ ارقىلى: 109، 300، +7 (7172) 55-66-33،+7-700-725-17-32.

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار