ايماقتار • 14 قازان، 2021

98 جاستاعى سوعىس ارداگەرى ۆاكتسينا سالدىردى

94 رەت كورسەتىلدى

قىزىلوردا وبلىسى قازالى اۋدانى، بەكارىستان بي اۋىلىنىڭ تۇراتىن 98 جاستاعى قاباق سماعۇل كوروناۆيرۋسقا قارسى ەكپە سالدىردى، دەپ حابارلايدى Egemen.kz.

مايدانگەر دەنساۋلىق زور بايلىق ەكەنىن العا تارتتى. سوندىقتان قازىر الەمدى جايلاعان اقۋىپتى دەرتتىڭ بەتىن قايتارۋ ءۇشىن ەلدى ەكپە قابىلداۋعا شاقىردى.

«قازىر الەم حالقى پاندەميانىڭ اۋىر زاردابىن تارتىپ كەلەدى. ودان قۇتىلۋدىڭ باستى جولى - ۆاكتسيناتسيا. مەن عاسىرلىق جاسقا قادام باستىم. دەسە دە قاي جاستا دا ادام ءوزىنىڭ دەنساۋلىعىنا ماڭىز بەرۋى ءتيىس. سوندىقتان كوروناۆيرۋسقا قارسى ۆاكتسينا قابىلداۋدى ءجون سانادىم»، دەدى قارت مايدانگەر.

1923 جىلدىڭ 1 شىلدەسىندە دۇنيەگە كەلگەن قاباق اقساقال 1942 جىلى سوعىسقا اتتانعان. تۋلا قالاسىن ازات ەتۋگە قاتىسقان. 1943 جىلى اۋىر جارالانىپ ەلگە ورالعان. بەيبىت ومىردە بىلەك سىبانا ەڭبەك ەتتى.

مايدانگەر اعارتۋ ءۇيىنىڭ مەڭگەرۋشىسى، اۋىلدىق كەڭەستىڭ حاتشىسى لاۋازىمىن اتقاردى. ەسەپشىلىك سالاسىندا تۋرا 40 جىل جۇمىس جاسادى. جۇبايى كۇلجان ەكەۋى ون بالا ءوسىرىپ، ەل قاتارىنا قوستى. بۇل كۇندەرى نەمەرە-شوبەرە، شوپشەك ءسۇيىپ وتىر. ەلدىڭ دامۋى ءۇشىن قىزمەت جاساعان مايدانگەر كوپتەگەن وردەن، مەدالداردىڭ يەگەرى.

ايتا كەتسەك، وبلىستا ۆاكتسيناتسيانىڭ ءبىرىنشى كومپونەنتىمەن ەگىلگەندەر سانى – 329492 ادامدى قۇرايدى. ال ۆاكتسينامەن تولىقتاي قامتىلعاندار سانى 271 173 ادامعا جەتتى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار