بەيسەنبىدە ەلىمىزدىڭ بارلىق اۋماعىندا اۋقىمدى انتيتسيكلوننىڭ اسەرىنەن كۇن اشىق بولادى.
رەسپۋبليكانىڭ باتىسىندا, وڭتۇستىگىندە, وڭتۇستىك-شىعىسىندا جانە شىعىسىندا جەلدىڭ كۇشەيۋى, وڭتۇستىگىندە جانە باتىسىندا شاڭدى داۋىل, سولتۇستىگىندە, شىعىسىندا, وڭتۇستىك-شىعىسىندا تۇمان كۇتىلەدى.
جامبىل وبلىسىندا تاۋلى جانە تاۋ بوكتەرىندە تۇمان تۇسەدى, ءوڭىردىڭ وڭتۇستىك-باتىسىندا, سولتۇستىك-شىعىسىندا جانە تاۋلى اۋدانداردا جەل 15-20, ەكپىنى 23-28 م/س كۇشەيەدى.
الماتى وبلىسىنىڭ الاكول اۋدانىندا جەلدىڭ جىلدامدىعى 18-23 م/س جەتەدى. قىزىلوردا وبلىسىنىڭ شىعىسىندا, ماڭعىستاۋ وبلىسىنىڭ سولتۇستىك-باتىسىندا, سولتۇستىك-شىعىسىندا, اتىراۋ وبلىسىنىڭ وڭتۇستىگىندە شاڭدى داۋىل تۇرۋى ىقتيمال, جەل 15-20 م/س كۇشەيەدى.
تۇركىستان وبلىسىنىڭ تاۋلى اۋداندارىندا, كۇندىز اقتوبە وبلىسىنىڭ مۇعالجار اۋدانىندا, شىعىس قازاقستان وبلىسىنىڭ وڭتۇستىك-باتىسىندا جەل كۇشەيىپ, ەكپىنى 15-20 م/س جەتەدى.
سولتۇستىك قازاقستان وبلىسىنىڭ سولتۇستىگىندە, باتىسىندا, سولتۇستىك-شىعىسىندا, شىعىس قازاقستان وبلىسىنىڭ وڭتۇستىگىندە, قوستاناي وبلىسىنىڭ سولتۇستىگىندە, تۇندە جانە تاڭەرتەڭ اقمولا وبلىسىنىڭ سولتۇستىگىندە, تۇندە پاۆلودار وبلىسىنىڭ وڭتۇستىگىندە تۇمان تۇسەدى.
