مەديتسينا • 13 قازان، 2021

پاتسيەنتتەردى قولداۋ قىزمەتى قالاي كومەكتەسەدى؟

98 رەت كورسەتىلدى

ەلىمىزدە 15 قىركۇيەكتەن 15 قاراشاعا دەيىنگى ارالىقتا حالىقتى ەمحانالارعا تىركەۋ ناۋقانى ءجۇرىپ جاتىر. پاتسيەنتتەر قا­جەت­تى مەديتسينالىق قىزمەتتەردىڭ كوبىن ەمحانالاردان الادى. سوندىقتان دا ازاماتتاردا مەديتسينالىق كومەكتىڭ ساپا­سى مەن قولجەتىمدىلىگى بويىنشا العاشقى مەديتسينالىق-ساني­تار­لىق كو­مەك ­دەڭگەيىندە كوپتەگەن سۇراقتار تۋىندايتىنى تۇسى­نىكتى جاعداي. ­مەديتسينالىق ساقتاندىرۋ قورىنىڭ نۇر-سۇلتان قالاسى بو­يىنشا فيليالىنىڭ ءباسپاسوز قىزمەتى بۇل ماسە­لەل­ەردى پاتسيەنت­­ت­ەردى قولداۋ جانە ىشكى ساراپتاما قىزمەتى ارقى­لى ەمحانانىڭ وزىندە قالاي شەشۋگە بولاتىندىعىن تاراتىپ ءتۇ­سىن­دىردى.

پاتسيەنتتەردى قولداۋ قىزمەتى دەگەنىمىز نە؟

حالىق دەنساۋلىعى جانە دەن­ساۋلىق ساقتاۋ جۇيەسى تۋرا­لى كو­دەكستە مەديتسينالىق قىزمەت­تەر ساپاسىنىڭ ساراپتاماسىنا ءجىتى نازار اۋدارىلعان. ساراپ­تاما جاساۋ مەديتسينالىق قىز­مەت­تەر ساپاسىنىڭ دەڭگەيىن، ولار­دىڭ تولىق، ستاندارتتارعا ساي­كەس، ءتيىمدى جانە ۋاقتىلى كورسەتىلۋىن باعالاۋعا مۇمكىندىك بەرەدى. سىرتقى ساراپتامانى مەم­لەكەتتىك ورگاندار، الەۋ­مەت­­تىك مەديتسينالىق ساقتان­دى­­رۋ قورى جانە تاۋەلسىز سا­راپ­­شىلار جۇرگىزە الادى. ىشكى ساراپتاما مەديتسينالىق ۇيىم­نىڭ وزىندە جۇرگىزىلەدى، سول ءۇشىن وندا پاتسيەنتتەردى قول­داۋ جانە ىشكى ساراپتاما قىز­مەت­تەرى (پق ىسق) قۇرىلادى. ياعني مەديتسينالىق ۇيىمدار دەڭ­گەيىندە پاتسيەنتتەردىڭ شا­عىم­­دارىن قاراستىراتىن قىز­مەت قۇرىلعان. بۇل قاجەت بول­عان جاع­دايدا پاتسيەنتتەردىڭ قۇقىق­تا­رىن قورعاۋ بويىنشا شارالار قابىلدايدى.

 

پاتسيەنتتەردى قولداۋ قىزمەتى قالاي جۇمىس ىستەيدى؟

پاتسيەنتتەردى قولداۋ جانە ىشكى ساراپتاما قىزمەتىنىڭ مىندەتى – ­ۇسىنىلاتىن مەديتسينالىق قىز­مەتتەردىڭ ساپاسىن ساراپتاۋ، سون­داي-اق حالىقپەن ءوزارا قارىم-قاتىناس ورناتۋ. ياعني وتىنىشتەر مەن شاعىمداردى قاراۋ جانە پا­تسيەنت­تەردىڭ مەديتسينالىق قىز­مەت­تەردى الۋ پروتسەسىندە تۋىن­داعان جاعدايلارىن رەتتەۋ. دەن­ساۋ­لىق ساقتاۋ مينيسترلىگىنىڭ وتبا­سىلىق مەديتسينا بويىنشا شتات­تان تىس مامانى، نۇر-سۇلتان قالاسىنداعى №5 قالالىق ەمحانا­نىڭ باس دارىگەرى التىنشاش تابىلدينا پاتسيەنتتەردى قول­داۋ قىزمەتتەرىنىڭ جۇمىسى مەن ما­ڭىز­دىلىعىن بىلايشا ءتۇسىندىردى:

«اتالعان قىزمەت جالپى مە­دي­تسي­نالىق ۇيىمنىڭ مەدي­تسي­نالىق كومەك ساپاسىن باس­قا­رۋ جونىندەگى قىزمەتىن ۇيلەستى­رە­دى. بۇل پاتسيەنتتەردىڭ ماسەلە­لە­رىن قاراستىرىپ، شەشىپ قانا قويمايدى، سونىمەن بىرگە ءوزىنىڭ كادر­لارىن، جابدىقتارىن پايدا­لا­نۋ­دىڭ تيىمدىلىگىن باعالايدى، مەديتسينالىق كومەك كورسەتۋ تەحنولوگيالارىن، تەگىن كومەكتىڭ كەپىل­دىك بەرىلگەن كولەمىن كورسە­تۋ ەرەجەلەرىن ساقتاۋدى جانە مە­دي­تسينالىق ساقتاندىرۋ بويىن­شا قىزمەتتەردى تەكسەرەدى، اقاۋ­لاردىڭ الدىن الۋ، ونى جويۋ بويىنشا جۇمىس ىستەيدى، مەدي­تسي­نالىق كومەك كورسەتۋ ساپاسىن قامتاماسىز ەتۋ ماسەلەلەرى بو­يىنشا پەرسونالدى ۇيرەتىپ-وقى­تا­دى».

 

پاتسيەنتتەردى قولداۋ قىزمەتىنە حابارلاسىڭىز، ەگەر…

قىزمەت مەديتسينالىق ۇيىم­نىڭ وزىندە ورنالاسقانىنا جانە باسشىلىعىنا باعىنىشتى بولۋىنا قاراماستان، ونىڭ ماقساتى – قىزمەت كورسەتۋ ساپاسىن جاق­سار­تۋ. ياعني ول پاتسيەنتتەرگە مە­دي­تسينالىق قىزمەتتەردى ءتيىستى دەڭگەيدە جانە تولىق كولەمدە الۋعا كومەكتەسۋگە، مەديتسينالىق كو­مەك­تىڭ قولجەتىمدىلىگىن قامتا­ما­سىز ەتۋدى باقىلاۋعا، بۇرما­لاۋ­شىلىق فاكتىلەرىن انىقتاۋعا جانە ولار بويىنشا جۇمىس جۇر­گى­زۋگە مۇددەلى.

پاتسيەنت اتالعان قىزمەتكە كو­مەك سۇراپ حابارلاساتىن جاع­دايلار جەتەرلىك. مىسالى، شۇعىل مەديتسينالىق كومەك الۋ نەمەسە ۋچاسكەلىك دارىگەرگە بارۋ ءۇشىن ساقتاندىرىلۋ مارتەبەسىن تالاپ ەتكەندە; ۋچاسكەلىك دا­ر­ى­گەر بولماعان جاعدايدا قابىل­داۋ­دان باس تارتقاندا; ۋچاسكەلىك دارىگەر، مەدبيكە مەن فەلدشەر وسى ەمحاناعا اۋماقتىق قاعيدات بويىنشا بەكىتىلگەن بولسا دا ۇيگە شاقىرتۋ قىزمەتىن كورسەتپەگەندە، دارى­گەردىڭ جوقتىعىنان نەمەسە جازبا ءبىر ايعا تولىق جازىل­عان­دىق­تان بەيىندى ماماننان كەڭەس الا الماي جۇرگەندە، دەنساۋلىق كور­سەتكىشتەرى بويىنشا ءتيىستى دياگ­­نوستيكالىق نەمەسە زەرتحا­نا­لىق قىزمەتتەرگە جولداما بە­رىل­مەگەندە، جۇرگىزىلگەن تەكسە­رىس­تىڭ ناتيجەلەرىمەن تانىس­تىر­ما­عاندا، دارىگەر قابىل­داۋ كەزىندە دورەكىلىك تانىت­قان­دا، كورسەتىلگەن مەدي­تسي­نا­لىق كومەكتىڭ ساپاسىنا قاناعاتتانباعاندا، دياگنوزدىڭ نەمەسە تاعايىندالعان ەمنىڭ دۇ­رىستىعىنا كۇماندانعاندا، مە­ديتسينالىق جازبالاردا قاتە دە­رەك­تەردى نەمەسە تىركەلىمدەردى انىق­تاعاندا پاتسيەنتتەردى قولداۋ قىز­مەتىنە حابارلاسىڭىز.

 

شەشىم دەر كەزىندە قابىلدانادى

№5 ەمحانانىڭ باس دارىگەرى اتاپ وتكەندەي، كوپتەگەن جاعدايلار جازباشا جۇگىنۋدى تالاپ ەتپەيدى، كەرىسىنشە پاتسيەنتتەرگە قولداۋ كورسەتۋ قىزمەتى قىز­مەتكەرىنىڭ ءىس-ارەكەتتەرى ار­قا­­سىندا سول جەردە وڭتايلى شە­شىمىن تابادى.

كوبىنەسە پاتسيەنت وزىنە قا­جەت­تى اقپاراتتى الا الماعانى ءۇشىن نەمەسە وعان دۇرىس كومەك كور­سە­­تىلمەگەنى ءۇشىن رەنجيدى. بۇل جاع­­دايداعى قىزمەت مامانىنىڭ قام­قور كوزقاراسى پاتسيەنتتىڭ تە­رىس كوزقاراسىن وزگەرتۋگە مۇم­كىن­دىك بەرەدى. ازاماتتار قايدا جۇگىنۋدى جانە قاجەتتى كومەكتى قا­لاي الۋعا بولاتىنىن بىلمەيتىن جال­پى سيپاتتاعى سۇراقتار ءجيى تۋىن­دايدى. پاتسيەنتتەردى قول­داۋ جانە ىشكى ساراپتاما قىز­مە­تىنىڭ قىزمەتكەرى بارلىق سۇ­راق­تى تۇسىندىرەدى، قاجەت بولعان جاع­داي­دا ناۋقاستى ءتيىستى ورىنعا ەرتىپ اپارادى.

«كوبىنەسە قاجەتتى دارىگەردىڭ قابىلداۋىنا جازىلا الماعان نەمەسە ۋلترادىبىستىق زەرتتەۋدەن ءوتۋ ءۇشىن تالوندارى جوق ادامدار كەلەدى. كەيبىرەۋلەرى وپەراتسياعا دايىندالىپ جۇرەدى جانە ءبىرىنشى كەزەكتە قايدا بارۋ كەرەگىن تولىق تۇسىنبەيدى. مەديتسينالىق كومەك كورسەتۋ كەزىندە داۋلى جاعدايلار دا تۋىندايدى. كەيدە پاتسيەنت ەمدەۋدىڭ الگوريتمى مەن تيىمدىلىگى بويىنشا تۇسىنىكتەمە العىسى كەلەدى. مۇنداي جاعدايلاردا ءبىز ونى بىردەن سول جەردە رەتتەيمىز، جاعدايدى ناۋقاستىڭ پايداسىنا شەشۋگە تىرىسامىز.

ءبىز ءوزىمىز ءۇشىن ىشكى ۇسى­نىس­تار­دى ازىرلەدىك. وتىنىش­تەر­دى 5 كۇننىڭ ىشىندە قاراستىرۋعا تىرىسامىز. ەگەر اقپارات الۋ نەمەسە جەرگىلىكتى جەردە تەكسەرۋ قا­جەت بولسا، وندا مەرزىم 10 كۇن­تىز­بەلىك كۇنگە دەيىن سوزىلۋى مۇمكىن. قو­سىم­شا مۇقيات زەردەلەۋ قاجەت بولاتىن نەعۇرلىم كۇردەلى جاع­دايلاردا ماسەلەنى قاراۋ زاڭ­نا­ما­عا سايكەس مەرزىمدە ۇزاق­قا سوزىلۋى مۇمكىن. بۇل تۋرا­لى ءوتىنىش بەرۋشىگە حابار­لاۋ كەرەك»، دەپ تۇسىندىرەدى ا.تابىلدينا.

شاعىمداردى قاراۋ – ماسەلەنى وبەكتيۆتى جانە جان-جاقتى زەرتتەۋ. شاعىمدا كورسەتىلگەن نەمەسە وعان قاتىسى بار ادامدار بۇل پروتسەسكە قاتىسپاۋى قاجەت.

ەگەر قاراستىرۋ ناتيجەلەرى بو­يىنشا، پاتسيەنتتىڭ قۇقىقتارى بۇ­زىلعان بولسا، ونى قالپىنا كەلتىرۋ ءۇشىن ءتيىستى شارالار قا­بىل­دانادى. پاتسيەنتتەردى قول­داۋ جانە ىشكى ساراپتاما قىزمەتىنە كەلىپ تۇسكەن ءوتىنىش بويىنشا جۇ­مىستىڭ ناتيجەلەرى وتىنىشبە­رۋ­شىگە دە، مەديتسينالىق ۇيىم­نىڭ باسشىلىعىنا دا حابارلانادى. ولاردىڭ نەگىزىندە بار پروبلەمالاردى تالداۋ، جاع­داي­دى جاقسارتۋ جولدارى قاراس­تى­رىلادى.

 

پاتسيەنتتەردى قولداۋ قىزمەتىنە نەلىكتەن حابارلاسۋ قاجەت؟

- ىڭعايلى ءتاسىل – بىردەن سول جەردە/دەر كەزىندە شەشۋگە بولادى، ەشقايدا بارۋدىڭ نەمەسە قوڭىراۋ شالۋدىڭ قاجەتى جوق;

- قىزمەت ماسەلەنى مەدي­تسي­­نا­لىق ۇيىمنان تىس جەرگە شى­عارماي-اق ورنىندا شەشۋگە مۇد­دەلى;

- قىزمەت ءوز مەديتسينا ۇيى­مىن­داعى جاعدايدى، سو­نىڭ ىشىن­دە كەمشىلىكتەر مەن قيىن­دىق­تار­دى بىلەدى، سوندىقتان تۋىن­دا­عان ماسەلەنى تەزىرەك شەشەدى;

- قىزمەتتىڭ بارلىق قاجەتتى اقپاراتقا، اقپاراتتىق جۇيەلەرگە قول جەتكىزۋگە مۇمكىندىگى بار;

- قىزمەت ءوز مەديتسينا ۇيى­مىنىڭ مەديتسينالىق قىزمەت­كەر­لە­رى­مەن تانىس جانە دارىگەرمەن كەلىس­سوزدەر جۇرگىزۋ ارقىلى بەلگى­لى ءبىر ماسەلەلەردى شەشۋگە اسەر ەتۋى مۇمكىن;

- ءتۇسىندىرۋ، كەڭەس بەرۋ سيپا­تىن­داعى ماسەلەلەر كەزىندە پا­تسيەنت­تەردى قولداۋ جانە ىشكى ساراپ­تا­ما قىزمەتىنىڭ قى­زمەت­كەر­لەرى ءوتىنىش ءبىلدىرۋ­ءشى­نىڭ ماسە­لە­سىن تەز شەشە الادى;

- قىزمەت باسشىلىققا تىكەلەي جاقىن جەردە بولۋ ارقىلى انىق­تال­عان قۇقىق بۇزۋشىلىقتار تۋرالى ونى جويۋ ماقساتىندا جە­دەل شارالار قابىلداۋ ءۇشىن باس­شى­لىق­قا حابارلاي الادى;

- جالپى ماسەلەنى شەشۋ كوپ ۋاقىت المايدى.

تۋىنداعان ماسەلەنى، سۇراق­تار­دى پاتسيەنتتى قولداۋ جانە ىشكى ساراپتاما قىزمەتى شەشپەگەن جاعدايدا، ءسىز ارقاشان fms.kz رەسمي سايتى، 1406 بايلانىس ور­تالىعى، Telegram-داعى Qoldau 24/7 جانە Saqtandyry-Bot ءموبيلدى قو­سىم­شاسى سەكىلدى بايلانىس ار­نالارى ارقىلى الەۋمەتتىك مەدي­تسي­نالىق ساق­تان­دىرۋ قورىنا جۇ­گى­نە الاسىز.

 

سوڭعى جاڭالىقتار

الماتى تۇرعىندارى سۋسىز قالدى

ايماقتار • بۇگىن، 15:57

كانەلونى اۋىر شايقاس كۇتىپ تۇر

كاسىپقوي بوكس • بۇگىن، 12:18

ۇقساس جاڭالىقتار