اۋەلدە ءۇي يەسى توسەك ۇستىنە قۇلاعان تاستى جول قۇرىلىسى كەزىندە ۇشىپ كەتكەن بولار دەپ ويلاعانىن ايتادى. الايدا شاقىرتۋ بويىنشا كەلگەن ءتارتىپ ساقشىلارى بۇل پىكىردى جوققا شىعاردى.
كەيىننەن وبەكتىنىڭ عارىشتىق شىعۋ تەگىن راستاۋعا مۇمكىندىك تۋدى.
«بۇل ءسوزسىز مەتەوريت. بۇل وقيعانىڭ ءبارى مەتەوريتتىڭ قۇلاۋى تۋرالى تەوريامەن سايكەس كەلەدى. سونىمەن قاتار سول ۋاقىتتا اسپاندا اققان جۇلدىز جايلى دەرەك تىركەلگەن», دەيدى لوندونداعى باتىس ۋنيۆەرسيتەتىنىڭ فيزيكا جانە استرونوميا كافەدراسىنىڭ پروفەسسورى پيتەر براۋن.
قوجايىن تاستى عالىمدارعا زەرتتەۋگە جىبەرۋگە دايىن ەكەنىن ءبىلدىردى. بىراق تالداۋ اياقتاعاننان كەيىن مەتەوريت بولىگىن ەستەلىك رەتىندە وزىندە ساقتاعىسى كەلەدى.
