تەحنولوگيا • 13 قازان، 2021

قازاقستان الەمدەگى ەڭ ءىرى «جاسىل» سۋتەگى ءوندىرۋشىسى بولماقشى

67 رەت كورسەتىلدى

نەمىس ينۆەستورلارى ماڭعىستاۋ وبلىسىندا «جاسىل» سۋتەگى ءوندىرىسىن جولعا قويماق. قر سىرتقى ىستەر ءمينيسترىنىڭ ورىنباسارى الماس ايداروۆ باستاعان قازاقستاندىق دەلەگاتسيانىڭ شۆەتسياعا ساپارى اياسىندا ۇيىمداستىرىلعان SVEVIND نەمىس كومپانياسىنىڭ پرەزيدەنتى ۆولفگانگ كروپپپەن كەزدەسۋ بارىسىندا جوبانى ىسكە اسىرۋدىڭ جول كارتاسىنا قول قويىلدى، دەپ حابارلايدى Egemen.kz.

SVEVIND كومپانياسىنىڭ قىزمەتى «جاسىل» سۋتەگىنىڭ اۋقىمدى ءوندىرىسى ارقىلى قازاقستان رەسپۋبليكاسىندا تومەن كومىرتەكتى ەنەرگەتيكانى ودان ءارى دامىتۋ شەڭبەرىندە تارتىلاتىن رەسۋرستاردى ۇزاق مەرزىمدى ينۆەستيتسيالاۋعا جانە ونى ەو ەلدەرىنە ودان ءارى ەكسپورتتاۋعا باعىتتالعان.

ينۆەستور قۋاتتىلىعى 30 گۆت بولاتىن جەل جانە كۇن ەلەكتر ستانتسيالارىن سالۋدى جانە وسى رەسۋرستار ەسەبىنەن جىلىنا 2 ملن تونناعا دەيىن سۋتەگى ءوندىرۋدى جوسپارلاپ وتىر.

ء«بىزدىڭ كومپانيا قازاقستاننىڭ تابيعي رەسۋرستارىن بىرىكتىرۋ ارقىلى قازاقستان مەن ەۋرازيانى ەكولوگيالىق تازا، تۇراقتى ەنەرگيامەن قامتاماسىز ەتۋ بويىنشا جوبالاردى ازىرلەۋگە ۇمتىلادى.  جوبانى ىسكە اسىرۋ قازاقستاندى جاڭارتىلاتىن ەنەرگيا كوزدەرى سالاسىنداعى الەمدىك كوشباسشىلار قاتارىنا شىعارماق. جوبانى ءارى قاراي دامىتۋدا كەلەسى قادامداردىڭ ءبىرىن جاساعانىمىزعا وتە قۋانىشتىمىز جانە قازاقستان ۇكىمەتىنە كورسەتكەن قولداۋى ءۇشىن ۇلكەن العىسىمىزدى بىلدىرەمىز»، دەپ اتاپ ءوتتى SVEVIND پرەزيدەنتى ۆولفگانگ كروپپ.

«سۋتەگى ەنەرگەتيكاسى بولاشاقتا ەنەرگيانى ءوندىرۋدىڭ بارلىق ءداستۇرلى ادىستەرىن ىعىستىرا الاتىن الەۋەتتى سالالاردىڭ ءبىرى. قازىرگى ۋاقىتتا بىزدە جەل، كۇن، سۋ، جەر، سونداي-اق ستراتەگيالىق ينۆەستور سانالاتىن SVEVIND كومپانياسىمەن نوۋ-حاۋ سياقتى بارلىق قاجەتتى رەسۋرستارعا قولجەتىمدىلىك بار. الدا ءبىزدى قىزىقتى، اۋقىمدى جانە كۇردەلى جوبالار كۇتىپ تۇر»،  دەدى قر سىرتقى ىستەر ءمينيسترىنىڭ ورىنباسارى الماس ايداروۆ SVEVIND كومپانياسىنىڭ باسشىسىمەن كەزدەسۋ بارىسىندا.

سونداي-اق ساپار اياسىندا كومپانيانىڭ شۆەتسياداعى قولدانىستاعى جوباسى مەن ەۋروپاداعى ەڭ ءىرى جەل پاركى Markbygden 1101 اۆتوكولىگىن ارالاۋ جۇرگىزىلدى.

اعىمداعى جىلدىڭ ماۋسىم ايىندا SVEVIND كومپانياسى KAZAKH INVEST ۇك اق-مەن ءوزارا تۇسىنىستىك تۋرالى مەموراندۋمعا قول قويدى. قۇجات شەڭبەرىندە ۇلتتىق كومپانيا تاراپىنان ينۆەستورلارعا ءتيىستى مەملەكەتتىك ورگاندار تاراپىنان رۇقسات بەرۋ قۇجاتتاماسىن الۋدان باستاپ پايدالانۋعا بەرۋگە دەيىنگى بارلىق كەزەڭدەردە تولىق قولداۋ جانە جوبانى ىسكە اسىرۋدا جان-جاقتى كومەك كورسەتىلەتىن بولادى. 

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار