كومپانيا باسشىسىنىڭ ايتۋىنشا, كۇردەلى جوندەۋدەن وتكەن جاڭا مەكتەپتىڭ ديرەكتورىنا 100 مىڭ دوللار نەمەسە ەلوردادان 3 بولمەلى پاتەر سىيعا بەرىلەدى.
مەن ءبىر-ەكى جىل بۇرىن مەكتەپتى كۇردەلى جوندەۋدەن وتكىزدىم. بىراق ءبىلىمدى مەكتەپ قابىرعاسى ەمەس, وزىق ءبىلىمدى مۇعالىم بەرەدى. سول سەبەپتى مەكتەپ ديرەكتورلارىنا بايقاۋ جاريالايمىن. قاتىسۋشىلارعا ءۇش شارتىم بار:
ءبىرىنشى شارت - ءۇش جىل سول مەكتەپتە جۇمىس ىستەۋ. مەكتەپتىڭ ءبىلىم دەڭگەيىن كوتەرۋ, سونداي-اق وزىنە مۇراگەر دايىنداۋ.
ءبىلىم ورداسى شقو كوكپەكتى اۋدانى, كازناكوۆكا اۋىلىندا (ق ۇلىنجان), وسكەمەن قالاسىنان 160 شاقىرىم قاشىقتىقتا ورنالاسقان.
ەكىنشىدەن - ءبىلىم بەرۋ ءادىسى قاراپايىم بولمايدى, فينليانديانىڭ ۇزدىكسىز ءبىلىم بەرۋ ۇلگىسىنە ۇقساس دايىندالعان, ياعني 2-12 جاس ارالىعىنداعى باستاۋىش مەكتەپ تۇرىندە بولادى. ياعني ويىن مەن وقىتۋ تۇرىندە جاسالعان.
سونىمەن قاتار ءۇش تىلدە ءبىلىم بەرۋ ءۇشىن مۇعالىمدەردى قوسىمشا ىرىكتەۋ, تۇرعىن ۇيمەن قامتاماسىز ەتۋ قاراستىرىلعان.
سونداي-اق, بالالاردىڭ ءبىلىم الۋىنا اتا-انالاردىڭ بارىنشا قاتىسۋى ماڭىزدى بولادى.
ال مەكتەپ ءوز كەزەگىندە اۋىلدىڭ شاعىن قوعامدىق ورتالىعىنا اينالادى. ياعني, كەشكىلىك, دەمالىس ۋاقىتتارىندا اۋىل جاستارى, بالالار مەن اتا انالار جاتتىعاتىن سپورتتىق سەكتسيالار ۇيىمداستىرىلادى. ءبىزدىڭ توپ حالىقارالىق تاجىريبەلەردى مىسالعا الا وتىرىپ باسقا دا قىزىقتى نارسەلەر ازىرلەدى.
