10 قازاندا بىرنەشە ادام بۇقار جىراۋ اۋدانىنداعى تورتكول كولىنە بالىق اۋلاۋعا شىققان. ەر ادامداردىڭ ءبىرى قايىققا ءمىنىپ, ال قالعان دوستارى جاعالاۋدا بالىق اۋلاعان. ءوزى جالعىز قايىقپەن كەتكەن بالىقشىنى جولداستارى سوڭعى رەت كەشكە كورگەنىن ايتادى. ءبىراز ۋاقىتتان سوڭ ونى ىزدەۋگە شىققان. الايدا تابا الماعان. كەلەسى كۇنى تاڭەرتەڭ 11 قازاندا بالىقشىلار دوسىن تابا الماي, قۇتقارۋشىلارعا حابارلاسقان.
«ىزدەۋ جۇمىستارىنىڭ ءبىرىنشى كۇنى ارنايى توپ بالىقشىنىڭ اۋدارىلعان رازىڭكە قايىعىن تاپتى. بۇگىن قۇتقارۋشىلار سۋعا باتىپ كەتكەن ادامنىڭ دەنەسىن جاعادان 500-600 مەتر قاشىقتىقتان تاپتى», دەپ مالىمدەدى قاراعاندى وبلىسىنىڭ تجد ءباسپاسوز قىزمەتى.
