سونىمەن قاتار سۇرانىسقا يە ماماندىقتار بويىنشا ءبىلىم گرانتتارىنىڭ سانى 50%-عا وسەدى.
ونىڭ ايتۋىنشا, ۇلتتىق جوبا اياسىندا قولجەتىمدى جانە ساپالى تەحنيكالىق جانە كاسىپتىك بىلىممەن قامتاماسىز ەتۋ كوزدەلىپ وتىر.
2025 جىلعا قاراي سۇرانىسقا يە ماماندىقتار بويىنشا جاستاردى تەگىن تەحنيكالىق جانە كاسىپتىك بىلىممەن 100% قامتۋ كوزدەلگەن. كوللەدجدەرگە اكادەميالىق دەربەستىك بەرىلەدى جانە بارلىق وقۋ باعدارلاماسى ەڭبەك نارىعىنىڭ تالاپتارىنا سايكەس جاڭارتىلادى. جەرگىلىكتى بيۋدجەت ەسەبىنەن كوللەدجدەردى زاماناۋي وقۋ-وندىرىستىك شەبەرحانالارمەن جابدىقتاۋ جۇمىستارى جۇرگىزىلەدى, دەدى اسحات ايماعامبەتوۆ.
بارلىق كوللەدجدە WorldSkills تالاپتارىن ەسكەرە وتىرىپ, قۇزىرەتتىلىكتەردى انىقتايتىن دەمونستراتسيالىق ەمتيحان ەنگىزىلەدى. ءدۋالدى وقىتۋعا قاتىساتىن كاسىپورىنداردى ىنتالاندىرۋ ەسەبىنەن 2025 جىلعا قاراي ءدۋالدى وقىتۋمەن قامتۋ وسەدى.
سونىمەن قاتار قازاقستاندىق جوعارى وقۋ ورىندارىنىڭ باسەكەگە قابىلەتتىلىگىن ارتتىرۋ دا جوسپارلانىپ وتىر.
سۇرانىسقا يە ماماندىقتار بويىنشا ءبىلىم گرانتتارىنىڭ سانى 50%-عا وسەدى. سونداي-اق وقۋ باعدارلامالارى جاڭا جاعدايلارعا بەيىمدەلەدى. ول ءۇشىن يننوۆاتسيالىق باعدارلامالار ازىرلەنەدى, ءبىلىم بەرۋ باعدارلامالارى ەڭبەك نارىعىنىڭ تالاپتارىنا سايكەس جاڭارتىلادى, دەپ ايتتى بعم باسشىسى.
مينيستر بايانداعانداي, قازاقستاندىق جوو-نىڭ باسەكەگە قابىلەتتىلىگىن ارتتىرۋ ماقساتىندا 20 اكادەميالىق ارتىقشىلىق ورتالىعى جانە نازارباەۆ ۋنيۆەرسيتەتىنىڭ تاجىريبەسى بويىنشا 2 وزىق جوعارى وقۋ ورنى قۇرىلادى.
سونىمەن بىرگە 2025 جىلدىڭ سوڭىنا دەيىن شەتەلدىڭ 5 جوعارى وقۋ ورنىنىڭ فيليالىن اشۋ جوسپارلانىپ وتىر.
