Baspana market-ءتىڭ كومەگىمەن قازاقستاندىقتار نىساننىڭ تولىق سيپاتتاماسىن, قولجەتىمدى پاتەرلەر سانىن, قۇنى مەن بولمەلەردىڭ ورنالاسۋ جوباسىن ەگجەي-تەگجەيلى انىقتاپ كورە الادى. جاڭا تسيفرلى پلاتفورمادا لايىقتى م ۇلىكتى تاپقاننان كەيىن, ونى سول جەردە برونداپ, جەكە كابينەتتە ساتىپ الۋ بارىسىن باقىلاۋعا بولادى.
ەگەر قولدانۋشى جاڭا ءۇي الۋدى كوزدەسە, پلاتفورما ارقىلى قۇرىلىس سالۋشىدان كەڭەس الۋ ءۇشىن ونلاين-ءوتىنىم جولداي الادى. ال تاڭداعانى ەكىنشى نارىقتاعى باسپانا بولسا, اتالعان مۇلىكتى وتباسى بانكىنەن نەسيە الۋ ءۇشىن كەپىلزات رەتىندە ۇسىنۋعا قانشالىقتى جارامدى ەكەنىن بىردەن كورۋگە مۇمكىندىك بار.
سونداي-اق Baspana market قۇرىلىس سالۋشىلار ءۇشىن وتباسى بانكىمەن ءوزارا قارىم-قاتىناس ورناتۋعا ىڭعايلى تسيفرلى الاڭعا اينالماق. بۇل جەردە قاجەتتى قۇجاتتاردى تىركەپ, بانكپەن ىنتىماقتاستىق جونىندە ەلەكتروندى ءوتىنىم جولداپ, «وتباسى بانكىنىڭ» كەڭ اۋديتورياسىنا قۇرىلىس سالۋشىلار ءوز پاتەرلەرىن ساتۋعا شىعارا الادى.
– قازىرگى ۋاقىتتا بانكتە باسپانا الۋ ءۇشىن قاراجات جيناقتاپ وتىرعان 2 ملن-نان استام سالىمشى بار. ولاردىڭ بارلىعى جىلجىمايتىن م ۇلىك نارىعىنداعى الەۋەتتى ساتىپ الۋشىلار. سالىمشىلارعا ىڭعايلى بولۋ ءۇشىن ءارى ۋاقىتتارىن ۇنەمدەۋ ءۇشىن ءبىز ءۇيدى ءبىر جەردەن تاڭداپ, ءتىپتى ونلاين يپوتەكا راسىمدەۋگە مۇمكىندىك بەرەتىن ماركەتپلەيستى ىسكە قوستىق. بۇل تسيفرلى قىزمەت پەن قاراپايىم ادامگەرشىلىكتىڭ ۇشتاسۋى. ءبىز Baspana market-تەگى ونلاين يپوتەكانىڭ كومەگىمەن 10 مىڭعا جۋىق نەسيە بەرۋدى جوسپارلاپ وتىرمىز, – دەيدى وتباسى بانك اق باسقارما توراعاسى ءلاززات يبراگيموۆا.
ونلاين يپوتەكا – سىناق رەجىمىندە جۇمىس ىستەپ تۇرعان قاناتقاقتى جوبا. ول كوممەرتسيالىق نارىقتان جاڭا نەمەسە قولدانىستا بولعان تۇرعىن ءۇي ساتىپ العىسى كەلەتىن بانك كليەنتتەرىنە قول جەتىمدى بولادى. قازىر ءدال وسىنداي نەسيە ءتۇرىن راسىمدەۋ ءۇشىن بانك بولىمشەسىنە 9 رەت بارۋ قاجەت. ونلاين يپوتەكا اشىلسا, بانككە ەكى رەت قانا كەلۋگە بولادى.
قىزمەتتىڭ جاڭا ءتۇرىن Baspana market-تە ورنالاسقان جەكە كابينەت ارقىلى پايدالانۋعا بولادى. ول جەردە الەۋەتتى قارىز الۋشى ساتىپ الۋ-ساتۋ كەلىسىمى اياقتالعانعا دەيىن وزىنە جەكە تاعايىندالاتىن بەينەكەڭەسشىمەن بايلانىسا الادى. كەڭەسشى الدىن الا ەسەپ جۇرگىزىپ, قۇجاتتار ءتىزىمىن ايتىپ, نەسيە سوماسىنىڭ الدىن الا ماقۇلدانعان كولەمى جونىندە اقپارات بەرە الادى. ءارى قاراي, كليەنت وزىنە ۇنامدى باسپانا تاۋىپ, ونى باعالاتادى. م ۇلىكتى باعالاۋ قۇجاتتارى دايىن بولعان كەزدە, بەينەبايلانىس وپەراتورى نەسيەلىك ءوتىنىمدى تولتىرۋعا كومەكتەسىپ, كليەنتكە ونىڭ جاعدايى تۋرالى حابارلايدى. ەگەر بانك وڭ شەشىم شىعارسا, وپەراتور ساتىپ الۋ-ساتۋ كەلىسىمىن راسىمدەۋ ءۇشىن نوتاريۋسقا باراتىن ىڭعايلى ۋاقىتتى برونداۋعا كومەكتەسەدى.
وسى پروتسەستەن كەيىن عانا بولاشاق قارىز الۋشى قۇقىق بەلگىلەيتىن قۇجاتتاردى ۇسىنۋ ءۇشىن الدىمەن بانك فيليالىنا, كەيىن نەسيەلىك كەلىسىم مەن ونى وتەۋ كەستەسىنە قول قويۋ ءۇشىن بانك بولىمشەسىنە بارادى.
