سپورت • 10 قازان، 2021

«التاي» – ازيا چەمپيونى

418 رەت كورسەتىلدى

ۆولەيبولدان وسكەمەننىڭ «التاي» ايەلدەر كلۋبى تايلاندتا وتكەن كلۋبتار اراسىنداعى سارى قۇرلىق بىرىنشىلىگىندە جەڭىمپاز اتاندى. بۇل – وسكەمەندىك كلۋبتىڭ العاشقى ءىرى جەتىستىگى.

«التاي» بيىلعى ازيا بى­رىن­­شىلىگىنە فاۆوريت ەمەس، ادەت­­­تەگىدەي اۋتسايدەر رە­تىن­دە باردى. ويتكەنى قازاق­ستان­­دىق كلۋب بۇل تۋرنيردە ەش­قا­شان ۇزدىكتەر قا­تا­رى­نان كورىنبەگەن. ءتىپتى ازيا چەم­پيوناتى 2017 جانە 2018 جىل­دارى ءوز جەرىمىزدە، ياعني وس­كە­مەندە وتكەن بولسا دا، التىن تۇعىردان كورىنە الماعان ەدى. ال بيىل بارلىق قارسىلاسىن قاپى قالدىرىپ، ازيانىڭ ۇزدىك كلۋبى دەگەن مەرەيلى اتاققا يە بولدى. جەر­­لەستەرىمىز توپتىق كە­­زەڭ­دە سارى قۇرلىقتىڭ ال­دىڭ­عى قاتارلى كلۋبتارىمەن شە­بەرلىك بايقاستى. اتاپ ايتار بولساق، «التاي» ىرىكتەۋ كەزە­ڭىندە ءفيليپپيننىڭ «رە­بيسكو»، يراننىڭ «سايپا» جانە ەكى دۇركىن ازيا چەمپيونى تاي­لاندتىڭ «سۋپريم چونبۋري» كلۋب­­تارىمەن وينادى. ءۇش ماتچ­­تا دا جەرلەستەرىمىز ازۋلى قار­سى­لاستارىن بىردەي ەسەپپەن (3:0!) جەڭىپ، جارىستى ءارى قاراي جالعاستىرۋعا مۇمكىندىك الدى.

ءسويتىپ شىعىسقازاق­ستان­دىق ۆولەيبولشىلار توپتا ءبىرىنشى ورىندى يەلەنىپ، شيرەك في­نال­عا جولداما الدى. الايدا چەم­­­پيوناتتاعى ەكىن­شى توپتا ءۇش كوماندا ونەر كور­سەتكەن سوڭ (بۇل جولعى بى­­رىنشىلىككە يران­نىڭ ءبىر عانا كومانداسى قا­تىستى)، «ال­­تاي» بىردەن جارتى­لاي في­­نالدا باق سىنايتىن بول­دى. فينالعا جولداما بەرۋشى با­­سەكەدە «التايدىڭ» جولى توپ­ت­ىق كەزەڭدە ويناعان يران­­نىڭ «سايپا» ۇجىمىمەن قايتا ءتۇيى­سىپ، وتانداستارىمىز بۇل جولى دا ءوز مىقتىلىعىن دا­لەل­دەدى – 3:1

فينالدىق باسەكەدە قازاق­ستاندىق كومانداعا جەرگىلىكتى «ناكحون راتچيساما» كلۋبى قار­سىلاس اتاندى. بۇل ۇجىم دا «التاي» سياقتى ءوز تاريحىن­دا ال­عاش رەت كلۋبتىق چەمپيو­نات­­تىڭ شەشۋشى كەزەڭىندە ويناۋ مۇم­كىندىگىنە يە بولدى. تايلاندتىق كلۋب توپتىق كەزەڭدە ەكى ويىن وتكىزىپ، ەكە­ۋىندە دە جەڭىسكە جەت­تى. العاش ءفيليپپيننىڭ «چو­كو مۋچو» كومان­داسىنان 3:0 ەسەبىمەن باسىم تۇسسە، ەكىنشى تۋر­دا تال­دىقورعاننىڭ «جەتىسۋ» ۆولەيبولشىلارىنان ايلاسىن اسىردى. وتە قيىن ءارى تار­تىستى وتكەن باسەكەدە جارىس يەلەرى 3:2 نا­تيجەسىمەن جەڭىسكە جەتتى. ال شيرەك في­نالدا ءفيليپپيننىڭ «رە­بيس­كوسىن» 3:0 ەسەبىمەن جەڭ­سە، جار­تىلاي فينالدا «سۋ­پريم ءچون­بۋريدى» جارىس جولىنان ىعىستىردى.

فينالدا ەكى توپتىڭ ۇزدىك­­تەرى جولىققان سوڭ، ويىن وتە شيەلەنىستى ءوتتى. دەگەن­مەن چەم­پيو­ناتقا جاقسى دا­يىن­­دىقپەن كەل­گەن «التاي» شە­شۋشى ماتچتا دا ايانىپ قال­­ماي، ويىندى ءبىرىنشى نو­مىر­مەن باستادى. ء«ا» دەگەن­نەن-اق قازاقستاندىق كومان­دا ماتچ باسىندا 4:0 ەسەبى­مەن العا شىقتى. الاڭ قوجايىندارى بۇل الشاق­تىقتى 20-شى دوپ ويىنعا قوسىلار ساتتە ءبىر ۇپايعا (10:9) دەيىن قىسقارتقان ەدى. الايدا وسكەمەن كلۋبى ءبىرىنشى كەزەڭ سوڭىندا ءۇش ۇپاي العا وزىپ، ءبىرىنشى پارتيانى 25:22 ەسە­بىمەن ءوز پايداسىنا شەشتى.

ەكىنشى سەت تە وتە تارتىس­تى ءوتتى. بىراق بۇل كەزەڭدە دە «ال­تاي» ويىنشىلارى ەپتىلىك تانى­تىپ، 25:22 ەسەبى تىر­كەلدى. شە­شۋشى ءۇشىنشى سەت­­تىڭ باسىندا «ناك­حون رات­چيساما» ۆولەيبولشىلارى ويىندى ءوز قولدارىنا الىپ، 6:1 ەسەبىمەن العا شىق­تى. باسىمدىقتى ودان ءارى ۇدەتە تۇس­كەن ولار تابلوداعى كورسەت­كىشتى 10:4-كە جەتكىزدى. ويىندا بەت­بۇرىس جاساماسا، بۇل پارتيا قارسىلاستىڭ ەنشىسىنە كەتەتىنىن اڭعارعان ماركو گري­شيچ شا­كىرتتەرى كوپ ۇزاماي تارازى باسىن تەڭەستىردى – 14:14. ەسەپ تەڭەسكەن سوڭ «ناكحون راتچيساما» ويىن­شى­لارى پسي­­حولوگيالىق قىسىمعا ۇشى­­راپ، ءجيى قاتەلەسە باستادى. قارسىلاستىڭ قاتەلىگىن ءتيىمدى پاي­دالانعان «التاي» ويىنشى­لارى العاش رەت ەسەپتە العا شى­عىپ، ماتچ سوڭىندا 25:20 (3:0) ناتي­جەسىمەن جەڭىس­كە جەتتى. وسى­لايشا، «ال­تاي» الماتىنىڭ «را­حات» كلۋبىنان كەيىن كلۋبتىق ازيا چەمپيوناتىندا جەڭىسكە جەتكەن ەكىنشى قازاقستاندىق كلۋب اتاندى. جانكۇيەرلەردىڭ ەسىن­دە بولسا، «راحات» ءدال وسى تۋرنيردە 2004 جانە 2007 جىلدارى توپ جار­عان ەدى. بيىلعى چەمپيوناتتا باق سىناعان تال­­دىقورعاننىڭ «جەتىسۋى» بەسىنشى ورىنعا تابان تىرەدى.

قۇرلىق بىرىنشىلىگىنىڭ چەمپيونى اتانعان «التاي» ەندى 15-19 جەلتوقسان ارالى­عىندا انكارادا (تۇركيا) حا­­­لىق­ارالىق ۆولەيبول فە­دەرا­تسياسىنىڭ (FIVB) قام­قورلىعىمەن وتەتىن ايەلدەر اراسىنداعى كلۋبتىق الەم چەمپيوناتىنا قاتىسادى.

سونىمەن قاتار ناكحون راتچيساما (تايلاند) قالا­سىندا ۆو­­لەيبولدان ەرلەر ارا­سىنداعى ازيا بىرىنشىلىگى باستالادى. بۇل سىندا قازاق­ستاننىڭ «بۋرە­ۆەست­نيك» كلۋبى ونەر كورسەتەدى. ال­ماتىنىڭ كومانداسى «ا» توبىندا» تايلاند، شري-لانكا، يراك جانە كۋۆەيت كوماندالارىمەن وينايدى.

سوڭعى جاڭالىقتار

16 تامىزعا ارنالعان ۆاليۋتا باعامى

ەكونوميكا • بۇگىن، 09:47

1453 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:06

جىگىتتەرمەن كۇش سىناسقان ارۋ

ۇلتتىق سپورت • بۇگىن، 08:43

قىتايدان قالىپ قويدىق

سپورت • بۇگىن، 08:42

تابىستارى – 2 117 000 دوللار

سپورت • بۇگىن، 08:40

وليمپيادادان كەيىنگى ويلار

سپورت • بۇگىن، 08:35

جارىس قىزعان شاعىنا جەتتى

سپورت • بۇگىن، 08:34

تەحنوپارك تەگىن وقىتادى

قوعام • بۇگىن، 08:32

«تالگوداعى» تالان-تاراج

قوعام • بۇگىن، 08:25

شالعايداعىلار شاعىم ايتادى

ءبىلىم • بۇگىن، 08:22

جاڭا مەكتەپتەر كوبەيەدى

ءبىلىم • بۇگىن، 08:20

ۇقساس جاڭالىقتار