ءبىرىنشى نىسان - وڭىردەگى جەتەكشى زاماناۋي «Uniserv Medical Center» كلينيكاسى, وندا مەديتسينالىق قىزمەتتەردىڭ تولىق سپەكترى كورسەتىلەدى.
بۇدان ءارى ۆيتسە-پرەمەر تەرەكتى اۋدانىنىڭ پودستەپنوە كەنتىندەگى دەنە شىنىقتىرۋ-ساۋىقتىرۋ كەشەنىنىڭ جانە زاچاگانسك كەنتىندەگى بۇرىنعى مەيرامحانا عيماراتىندا اشىلعان «شابىت» مەكتەپتەن تىس جۇمىس ورتالىعىنىڭ قىزمەتىمەن تانىستى. اتقارۋشى ورگانداردىڭ قولداۋىمەن جەرگىلىكتى كاسىپكەرلەر مەملەكەتتىك-جەكە مەنشىك ارىپتەستىك اياسىندا ويىن-ساۋىق بيزنەسىن الەۋمەتتىك جوباعا قايتا بەيىمدەدى.
ەرالى توعجانوۆ مەملەكەت باسشىسىنىڭ جولداۋدا بالالار سپورتىن دامىتۋعا باسىمدىق بەرگەنىن ايرىقشا اتاپ ءوتتى.
قازىرگى ۋاقىتتا باتىس قازاقستان وبلىسىندا مەكتەپتەن تىس قوسىمشا ءبىلىم بەرۋمەن قامتۋ كورسەتكىشى 98,7% - دى قۇرايدى. وبلىستىڭ ون مىڭداعان جاسوسپىرىمدەرىنىڭ ۇيىرمەلەر مەن جاستار ۇجىمدارىندا شىعارماشىلىقپەن جانە سپورتپەن شۇعىلدانۋعا مۇمكىندىگى بار. سونداي-اق, دەلەگاتسيا الەۋمەتتىك كاسىپكەرلىك باعدارلاماسى اياسىندا اشىلعان نىسانداردى ارالادى.
اتاپ ايتقاندا, «پروتەزدەۋ جانە ورتوپەديا ورتالىعى», ەرەكشە قاجەتتىلىكتەرى بار ازاماتتارعا كونسۋلتاتسيالىق جانە پسيحولوگيالىق قولداۋ كورسەتىلەتىن «تەڭ قوعام» الەۋمەتتىك قولداۋ ورتالىعى. ساپار اياسىندا پرەمەر-ءمينيستردىڭ ورىنباسارى وڭىردەگى ەپيدەميولوگيالىق احۋال ماسەلەلەرى بويىنشا وبلىس اكتيۆىمەن كەڭەس وتكىزدى.
ە. توعجانوۆ COVID-19-عا قارسى ۆاكتسيناتسيالاۋ دەڭگەيىن كۇشەيتۋدى, سونداي-اق وڭىردەگى ەپيدەميولوگيالىق جاعدايدىڭ ناشارلاۋىنا جول بەرمەۋ ءۇشىن بارلىق قاجەتتى شارالاردى قابىلداۋدى تاپسىردى.
كەڭەس سوڭىندا پرەمەر-ءمينيستردىڭ ورىنباسارى وبلىس باسشىلىعىنىڭ الەۋمەتتىك ماسەلەلەردى شەشۋ جونىندەگى وڭ جۇمىسىن اتاپ ءوتتى – وڭىردە شاعىن جيناقتالعان, ءۇش اۋىسىمدى مەكتەپتەردىڭ ورنىندا زاماناۋي ءبىلىم بەرۋ نىساندارى سالىنۋدا, مەملەكەتتىك-جەكەشەلىك ارىپتەستىك بەلسەندى دامۋدا, حالىقتىڭ وسال توپتارىنا قولداۋ كورسەتىلۋدە.
ۆيتسە-پرەمەر وبلىس اكىمدىگىنە ءوڭىردى دامىتۋ جانە مەملەكەت باسشىسى العا قويعان مىندەتتەردى شەشۋ جونىندە بىرقاتار ناقتى تاپسىرمالار بەردى.
