«اۋعانستانداعى جانە تاجىك-اۋعان شەكاراسىنداعى جاعداي ءبىزدىڭ نازارىمىزدا. ماسكەۋ مەن دۋشانبە قورعانىس ۆەدومستۆولارى, شەكارا قىزمەتتەرى مەن ديپلوماتيالىق ميسسيالار اراسىندا بايلانىس ورناتادى. ءبىز بارلىق جەدەل قاجەتتىلىكتەردى ەسكەرە وتىرىپ, تاجىكستاننىڭ, ونىڭ شەكارا قىزمەتىنىڭ قورعانىس قابىلەتىن نىعايتۋ سالاسىنداعى ىنتىماقتاستىقتى جالعاستىرامىز», دەدى رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا.
ول 201-ءشى رەسەيلىك اسكەري بازا «جاعداي شيەلەنىسكەن جاعدايدا تاجىكستان رەسپۋبليكاسىنىڭ ۇكىمەتىنە كومەك كورسەتۋ ءۇشىن بارلىق قاجەتتى قۇرالدارمەن جابدىقتالعانىن» باسا ايتتى.
قىركۇيەك ايىنىڭ سوڭىندا تاجىكستان مەن اۋعانستان اراسىنداعى قارىم -قاتىناس شيەلەنىسە ءتۇستى.
23 قىركۇيەكتە تاجىكستان باسشىسى ەمومالي راحمون بۇۇ باس اسسامبلەياسىنىڭ كەزەكتى سەسسياسىندا اۋعانستان بيلىگىنە كەلگەن تالىپتەردى ەلدە سايلاۋ وتكىزۋگە جانە ءارتۇرلى ساياسي قوزعالىستار مەن كوزقاراستاردىڭ وكىلدەرىن قامتيتىن شىن مانىندە ينكليۋزيۆتى ۇكىمەت قۇرۋعا شاقىردى.
تالىپتەر (قازاقستاندا تىيىم سالىنعان تەرروريستىك ۇيىم) تاجىكستان رەسپۋبليكاسىن اۋعانستاننىڭ ىشكى ىستەرىنە ارالاسادى دەپ ايىپتاپ, قاجەت بولسا تاجىكستاندى باسىپ الۋعا دايىن ەكەندىكتەرىن جاريالاعان بولاتىن.
