قازاقستان ۇلتتىق وليمپيادالىق كوميتەتىنىڭ رەسمي سايتىندا ايدىڭ ۇزدىك سپورتشىسىن انىقتاۋعا ارنالعان داۋىس بەرۋ ءراسىمى اياقتالدى.
داۋىس بەرۋ قورىتىندىسى بويىنشا قىركۇيەك ايىنىڭ ۇزدىك سپورتشىسى اتاعىن سپورتتىق گيمناستيكادان قازاقستان كومانداسىنىڭ وكىلى ميلاد كاريمي جەڭىپ الدى.
داۋىس بەرۋ راسىمىنە بەس ۇمىتكەر قاتىستى. ولار – ميلاد كاريمي (سپورتتىق گيمناستيكا), دارىن قونىسباەۆ (ترياتلون), گاندبولدان قازاقستان ايەلدەر كومانداسى, نىسانا كوزدەۋدەن جانە رەگبيدەن 18 جاسقا دەيىنگى قازاقستان قىزدار كومانداسى.
8 قازان كۇنى ساعات 12:00-دە داۋىس بەرۋ اياقتالدى. وسى ارالىقتا ميلاد كاريمي 73,19 داۋىس جيناپ جەڭىسكە جەتتى.
ونىڭ ءىزىن الا رەگبيدەن قازاقستان قىزدار كومانداسى ورنالاسسا, ۇزدىك ۇشتىكتى نىسانا كوزدەۋدەن قازاقستان كومانداسى يەلەندى.
