مەديتسينا • 08 قازان، 2021

مينيستر ەكپە الۋدى مىندەتتەدى

535 رەت كورسەتىلدى

دەنساۋلىق ساقتاۋ ءمينيسترى الەكسەي تسوي 2021 جىلعى 30 قىركۇيەكتەگى بۇيرىعىنا تولىقتىرۋلار ەنگىزدى. وعان سايكەس وففلاين فورماتتا جۇمىس ىستەيتىندەرگە ەكپە الۋ مىندەتتەلەدى، دەپ حابارلايدى Egemen.kz.

«رەسپيراتورلىق ۆيرۋستىق ينفەكتسيالار، تۇماۋ جانە ولاردىڭ اسقىنۋلارى (پنەۆمونيا)، مەنينگوكوكك ينفەكتسياسى، COVID-19 كوروناۆيرۋستىق ينفەكتسياسى، جەلشەشەك جانە سكارلاتينا كەزىندە سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ۇيىمداستىرۋعا جانە جۇرگىزۋگە قويىلاتىن سانيتاريالىق-ەپيدەميولوگيالىق تالاپتارعا» بۇيرىعىنىڭ 49-تارماعى مىناداي تارماقشامەن تولىقتىرىلدى:

«قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرى، ءتيىستى اكىمشىلىك-اۋماقتىق بىرلىكتە باس مەملەكەتتىك سانيتاريالىق دارىگەرلەر بەلگىلەگەن ۇيىمداردا/وبەكتىلەردە COVID-19-عا قارسى ۆاكتسينا العان ۇيىمداردىڭ قىزمەتكەرلەرى ءۇشىن كۇندىزگى رەجيمدە جۇمىسقا جىبەرۋ».

ياعني ەندى وففلاين فورماتتا جۇمىس ىستەگىسى كەلەتىن ادامعا ەكپە الۋى مىندەتتەلەدى.

سونىمەن قاتار اكىمشىلىك-اۋماقتىق بىرلىكتەگى باس مەملەكەتتىك سانيتاريالىق دارىگەرلەر بەلگىلەگەن ۇيىمدار پتر-تەستى 7 كۇندە 1 رەت تاپسىرۋعا جانە سوڭعى ءۇش اي ىشىندە COVID-19 جۇقتىرعان تۇراقتى مەديتسينالىق قارسى كورسەتكىشتەرى بار ادامنان مەديتسينالىق انىقتاما تالاپ ەتىلۋى مىندەتتى.

بۇيرىق 2021 جىلعى 17 قازاننان باستاپ قولدانىسقا ەنگىزىلەدى.

سوڭعى جاڭالىقتار

ۇقساس جاڭالىقتار