بۇل تۋرالى Deutsche Welle اگەنتتىگى ءمالىم ەتتى.
اقش ادىلەت مينيسترلىگىنىڭ مالىمەتىنشە, 2008 جىلى امەريكالىق ءجۋرناليستتى ۇرلادى دەپ ايىپتالعان حادجي نادجيبۋللاعا, 2008 جىلى اۋعانستانداعى امەريكالىق اسكەرلەرگە جاسالعان شابۋىلدار, ونىڭ ىشىندە ءۇش امەريكالىق سارباز مەن ولاردىڭ اۋعان اۋدارماشىسىن ءولتىردى جانە امەريكالىق تىكۇشاقتى جارىپ جىبەردى دەگەن ايىپ تاعىلدى.
ايىپتاۋ 2007-2009 جىلدار ارالىعىندا امەريكالىق اسكەري قىزمەتشىلەرگە قارسى جاسالعان قىلمىستارعا قاتىستى قويىلدى. بۇرىنعى قولباسشىنىڭ 2008 جىلى قاراشادا اۋعانستاننىڭ ەكى ازاماتىمەن بىرگە امەريكالىق ءجۋرناليستىڭ ۇرلانۋىنا قاتىسى بار دەگەن بولجام بار.
«اۋعانستانداعى قاقتىعىستىڭ ەڭ قاۋىپتى كەزەڭدەرىنىڭ بىرىندە حادجي نادجيبۋللا اۋعانستاننىڭ ءبىر بولىگىن قورقىتىپ, امەريكالىق كۇشتەرگە شابۋىل جاساعان «تاليبان» كوتەرىلىسشىلەرىنىڭ توبىن باسقاردى», دەلىنگەن پروكۋرور ودري ستراۋسستىڭ مالىمدەمەسىندە.
نادجيبۋللا 2020 جىلدىڭ قازان ايىندا تۇتقىندالىپ, ۋكراينادان اقش-قا ەكستراديتسيالاندى, قازىر قاماۋدا وتىر.
