VII فورۋم بارىسىندا:
- تاۋار نارىقتارىنداعى باسەكەلەستىكتىڭ جاي-كۇيىن باعالاۋدىڭ جانە تەرگەۋ جۇرگىزۋدىڭ جاڭا تاسىلدەرى
- ترانسشەكارالىق نارىقتاردا باسەكەلەستىك بۇزىلعان جاعدايدا نارىق سۋبەكتىلەرىنىڭ ءوز قۇقىقتارى مەن مۇددەلەرىن قورعاۋ مۇمكىندىكتەرى
- باسەكەلەستەر اراسىنداعى داۋلاردى شەشۋ تاجىريبەسى
- نارىق سۋبەكتىلەرىنىڭ مۇددەلەرىن قورعاۋ پراكتيكالىق سۇراقتارى
- مونوپولياعا قارسى كومپلاەنس
– مونوپولياعا قارسى تاۋەكەلدەردى تومەندەتۋدىڭ ءتيىمدى ءتاسىلى قارالىپ, تالقىعا تۇسەدى.
«فورۋمدى قازاقستاندا وتكىزۋ جاقسى داستۇرگە اينالدى. مۇندا جىل سايىن جاقىن جانە الىس شەتەلدەردىڭ مونوپولياعا قارسى اگەنتتىك باسشىلارى باس قوسادى. الەمدىك ەكونوميكالىق قاۋىمداستىق پەن بيزنەس قۇرىلىم وكىلدەرى ءوز ويلارىن ورتاعا سالادى. كوتەرىلگەن ماسەلەلەر ءبىزدىڭ ەلدىڭ ودان ءارى دامۋى ءۇشىن قاجەت. قازاقستان پرەزيدەنتى قاسىم-جومارت توقاەۆ ءادىل باسەكەلەستىكتى قازاقستاننىڭ جاڭا ەكونوميكالىق باعىتى نەگىزدەلۋى ءتيىس جەتى ءپرينتسيپتىڭ ءبىرى دەپ اتاعان بولاتىن. قازاقستاننىڭ جاڭا ەكونوميكالىق باعىتى وسىعان نەگىزدەلۋى ءتيىس. ءۇش نەگىزگى ويىنشىنىڭ نارىقتاعى ورتاشا ۇلەسى بۇگىندە ءار ءتۇرلى سالالاردا 70-تەن 100%-عا دەيىن. مەملەكەت باسشىسى مۇنى ءوزىنىڭ بىلتىرعى قازاقستان حالقىنا جولداۋىندا اتاپ ءوتتى», دەگەن قر باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين ەلدەگى باسەكەلەستىككە بارىنشا قولايلى جاعداي جاساۋ قاجەت ەكەنىن ايتتى.
فورۋم شەڭبەرىندە حالىقارالىق باسەكەلەستىك قۇقىق, يننوۆاتسيالار جانە ساياسات ورتالىعى مەن بريكس حالىقارالىق باسەكەلەستىك قۇقىق جانە ساياسات ورتالىعى اراسىندا ىنتىماقتاستىق تۋرالى شارتقا قول قويىلادى.
ايتا كەتەيىك, شارانى قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگى مەن «باسەكەلەستىك ساياساتتى دامىتۋ جانە قورعاۋ ورتالىعى» اق ۇيىمداستىردى.
