تەمىر جول كۇزەتى قىزمەتكەرلەرى سايىستى

جالپىكوماندالىق ەسەپتە 1-ورىن شالقار، 2-ورىن ورال، ءۇشىنشى ورىن نيكەلتاۋ اتقىشتار كوماندالارىنا بەرىلدى. جەكەلەگەن سپورتشىلار اراسىنان ۇزدىك قورعاۋشى اتاعىن شالقار اتقىشتار كومانداسىنان – ابىلاي المانوۆ، ۇزدىك تەننيسشى – ورال اتقىشتار كومانداسىنان انتون گاراەۆ، ۇزدىك قاقپاشى – قاندىاعاش بەكەتىنەن  عازيز ەدىگەەۆ، ۇزدىك شابۋىلشى – ايتەكە بي بەكەتىنەن ازامات امانجول ۇلى، ۇزدىك گىر كوتەرۋشى اتالىمىن  نيكەلتاۋلىق  امان مۇحانبەتقالي ۇلى جەڭىپ الدى. سايىس قورىتىندىسى بويىنشا ۇزدىككوماندالىق ەسەپتەگى نيكەلتاۋ، ورال، شالقار بەكەتتەرى سپورتشىلارىنا بەرىلگەن ەڭ قۇرمەتتى سىيلىق – سپورتتىق جابدىقتار.

– فيليال ۇجىمىندا سالاماتتى ءومىر سالتىن ناسيحاتتاۋ، قىزمەتكەرلەردىڭ دەنەشىنىقتىرۋمەن اينالىسۋىنا مۇمكىندىك تۋعىزۋعا باسا ءمان بەرىلەدى. ءار اپتانىڭ  سەيسەنبى جانە بەيسەنبى كۇندەرى بارلىق قۇرىلىم بولىمشەلەرىنىڭ  جەكە قۇرامى اراسىندا  وقۋ-دەنەشىنىقتىرۋ جاتتىعۋلارى وتكىزىلىپ،  فيليال اكىمشىلىگى وعان قىزمەتكەرلەردىڭ تۇراقتى قاتىسۋىن  قاتاڭ قاداعالايدى»، دەيدى «اتجك» جشس اقتوبە فيليالىنىڭ ديرەكتورى سارىباي  سارسەنوۆ.

  ايتا كەتۋ كەرەك، اسكەريلەندىرىلگەن تەمىر جول كۇزەتى قىزمەتىنىڭ تاريحى سوناۋ كەڭەس وكىمەتىنىڭ العاشقى جىلدارىنان باستالادى. 1921 جىلى 9 جەلتوقساندا دزەرجينسكيدىڭ باستاماسىمەن قۇرىلعان  اسكەريلەندىرىلگەن تەمىر جول كۇزەتى سول زامانداعى ءنومىرى ءبىرىنشى قاتىناس قۇرالى ءارى ەكونوميكانىڭ كۇرەتامىرى – تەمىر جول بويىنداعى قاراقشىلىق جانە توناۋشىلىقپەن شايقاستى. ەلىمىز تاۋەلسىزدىگىن جاريالاعاننان باستاپ اسكەريلەندىرىلگەن تەمىر جول قىزمەتى دەربەس قۇرىلىم بولىپ وزگەرىپ،  اسكەريلەندىرىلگەن كۇزەت ماماندارى ەل ەكونوميكاسىنىڭ اياقتان تۇرۋىنا  وزىندىك ۇلەستەرىن قوستى. 2001 جىلدىڭ 22 قىركۇيەگىندە ۇكىمەت قاۋلىسىمەن «اسكەريلەندىرىلگەن تەمىر جول كۇزەتى» اشىق اكتسيونەرلىك قوعامى بولىپ قاي­تا قۇرىلسا، 2020 جىلدان باستاپ «اسكەري­لەندىرىلگەن تەمىر جول كۇزەتى» جاۋاپكەر­شىلىگى شەكتەۋلى سەرىكتەستىگىنە اينالدى. 

قازىرگى ۋاقىتتا تەمىر جول نىسان­دارىنىڭ قاۋىپسىزدىگىن، جۇك تاسىمالىن قاداعالاپ، ىلەسپە كۇزەت قىزمەتىمەن اينالىساتىن كوپفۋنكتسيونالدى ءىرى كۇزەت ۇيىمدارىنىڭ بىرىنە اينالعان سەرىكتەستىكتىڭ ەلىمىزدە 10 فيليالى جۇمىس ىستەيدى. سولاردىڭ ءبىرى – اقتوبە فيليالىنىڭ قىزمەت كورسەتۋ اۋماعى  2040 شاقىرىمدى قۇرايدى. ونىڭ 165 شاقىرىمى رەسەي فەدەراتسياسى اۋماعى ارقىلى وتسە، شەكارا بويىنداعى جۇك تاسىمالىنا جاۋاپتى بىرنەشە اتقىشتار كومانداسى، جەدەل ارەكەت ەتۋشى وڭتايلاندىرىلعان توپ، تەمىر جول كوپىرىن  كۇزەتەتىن ارنايى توپ بار. جول بويىندا توناۋشىلىقتى بولدىرماۋ ماقساتىندا اسكەريلەندىرىلگەن كۇزەتتىڭ اقتوبە فيليا­لى ماماندارى بيىلعى جىلدىڭ وزىندە 26 ۆاگون توناۋ وقيعاسىنىڭ الدىن الىپ،  جۇك توناۋمەن اينالىسقان 33 ادامدى ۇستادى.

  بۇگىندە اقتوبە وڭىرلىك فيليالىنىڭ 700-گە جۋىق قىزمەتكەرى بار. تەمىر جول كۇزەتى قىزمەتىنىڭ كاسىبي مامانى فيليال باسشىسى سارىباي سارسەنوۆتىڭ ايتۋىنشا، مامانداردى جۇمىسقا قابىلداعان كەزدە ولاردىڭ ىسكەرلىك قابىلەتى، كاسىبي بىلىكتىلىگىمەن بىرگە  فيزيكالىق دايىندىعى مەن تەمىر جول قىزمەتىنىڭ قىر-سىرىن بىلۋىنە جەتە دەن قويىلادى. سول سەبەپتى دە ەلىمىزدىڭ قارۋلى كۇشتەرىندە  قىزمەت ەتىپ كەلگەن جاس جىگىتتەرگە وسى جۇمىسقا قابىلداۋدا باسىمدىق بەرىلەدى.

اقتوبە وبلىسى