«بۇل ىرىكتەۋ تۋرنيرىنە يتالياعا ۇشىپ كەلگەن حوككەيدەن قازاقستان ايەلدەر قۇراماسى دا قاتىسادى, وندا ەرتەڭ قىسقى وليمپيادا-2022 بىلىكتىلىك ويىندارىنىڭ فينالدىق كەزەڭى باستالادى», دەپ حابارلايدى قازاقستان حوككەي فەدەراتسياسىنىڭ ءباسپاسوز قىزمەتى.
قازاقستاندىق حوككەيشىلەردەن باسقا وليمپيادا ويىندارىنا جولداما ءۇشىن تاعى ءۇش قۇراما تالاسادى.
قازاقستاندىق قىزدار ءتۋرنيردى 7 قازاندا قىتايلىق تايپەيگە قارسى ماتچپەن اشادى. ال ىرىكتەۋ جارىستارىن 10 قازاندا قازاقستاندىق حوككەيشىلەر يتالياندىقتارمەن قاقتىعىستا اياقتايدى.
قازاقستان ايەلدەر قۇراماسى ءوز تاريحىندا تەك ءبىر رەت وليمپيادا ويىندارىنا قاتىستى. ول 19 جىل بۇرىن, دالىرەك ايتقاندا 2002 جىلى سولت-لەيك-سيتيگە بارىپ, 8-ءشى ورىندى يەلەندى.
