11 اقپان، 2014

كەن بارلاۋعا كەمەل كوزقاراس

116 رەت كورسەتىلدى
سەنبى كۇنى پرەمەر-مينيستر سەرىك احمەتوۆ يندۋستريا جانە جاڭا تەحنولوگيالار مينيسترلىگىنىڭ گەولوگيا جانە جەر قويناۋىن پايدالانۋ كوميتەتىندە كوشپەلى كەڭەس وتكىزدى، دەپ حابارلادى پرەمەر-ءمينيستردىڭ ءباسپاسوز قىزمەتى. ۇكىمەت ءۇيى كەزدەسۋدە گەولوگيا مەن جەر قويناۋىن پايدالانۋ سالاسىن دامىتۋدىڭ بىرقاتار كوكەيكەستى جايلارى، سونىڭ ىشىندە مەملەكەت باسشىسىنىڭ قازاقستان حالقىنا جولداۋىندا ايتىلعان، سالاعا ينۆەستيتسيالار تارتۋ بويىنشا تاپسىرمالارىن ورىنداۋ ماسەلەلەرى تالقىلاندى. يندۋستريا جانە جاڭا تەحنولوگيالار ۆيتسە-ءمينيسترى نۇر­لان ساۋرانباەۆتىڭ ايتۋىنشا، پرەزيدەنت العا قويعان ماق­سات­تار­عا جەتۋ ءۇشىن بىرقاتار، ونىڭ ىشىندە جۇيەلىلىك سيپاتتاعى ناقتى شەشىمدەر قابىلداۋ قا­جەت. اتاپ ايتقاندا، الدا گەولو­گياعا قارجىلىق جانە تەحنولو­گيا­لىق سالىمدار تارتۋدى جانە ينۆەستيتسيالىق احۋالدى جاق­سار­تۋدى بارىنشا وڭايلاتۋعا ءمۇم­كىندىك بەرەتىن زاڭنامانى جە­تىلدىرۋ بويىنشا جۇمىستار كۇتىپ تۇر. جىل سايىن گەولوگيا سالاسىن قارجىلاندىرۋ كولەمى ارتىپ كەلەدى. سالالىق باعدارلاما بويىنشا، 2015-2019 جىلدارى بارلىعى رەسپۋبليكالىق بيۋدجەتتەن 160 ملرد. تەڭگەدەن استام كولەمدە قارجى جۇمساۋ كوزدەلىپ وتىر. يجتم گەولوگيا جانە جەر قويناۋىن پايدالانۋ كوميتەتىنىڭ توراعاسى بازارباي نۇراباەۆ ءوز سوزىندە كەن بارلاۋ جۇمىستارىن جۇرگىزۋدىڭ نەگىزى وتكەن جىلدار­دا­عى قولدا بار ماتەريالداردى زەردەلەۋ بولىپ تابىلاتىنىن اتاپ ءوتتى. بۇل باعىتتاعى جۇ­مىستار جالعاسۋدا. گەولوگيالىق مالىمەتتەردىڭ باعاسىن انىقتاۋ مەرزىمىن 240 كۇننەن 1 كۇنگە دەيىن قىسقارتۋعا مۇمكىندىك بەرەتىن، تاريحي شىعىنداردى ەسەپتەۋدىڭ بونيتەتتىك جۇيەسىن ەنگىزۋ جوسپار­لانۋدا، – دەدى ول. الداعى 105 تابيعات پايدا­لانۋ نىساندارى بويىنشا ءجۇر­گىزىلەتىن كونكۋرستار تاري­حي شىعىنداردى ەسەپتەۋدىڭ بو­ني­تەت­تىك جۇيەسىنە سايكەس وتەدى. سونداي-اق، ب.نۇراباەۆ 14 اقپاننان باس­تاپ ودان ءارى پايدالى قازبالار انىقتامالىعىن شىعارۋمەن جال­عاساتىن، «پايدالى قازبالار اپ­تا­لىعىن» وتكىزۋدى جوس­پارلاپ وتىر­عاندارىن حابارلادى. ونىڭ ءسو­زىنە قاراعاندا، الدىمەن «التىن اپتالىعى» وتەدى. وعان تابيعات پايدالانۋشىلار، گەولوگتار جانە عالىمدار جينالادى. بيىل پايدالى قازبالار بويىنشا 8 انىقتامالىق شىعارۋ كوزدەلىپ وتىر. «قازگەولوگيا» اق باسقارما توراعاسى عالىم نۇرجانوۆتىڭ ايتۋىنشا، گەولوگيالىق بارلاۋ جۇمىستارىنا شەتەل ينۆەستيتسيا­لارىن تارتۋ بويىنشا بەلسەندى جۇمىستار جۇرگىزىلۋدە. ولاردىڭ ىشىندە «Rio Tinto»، «Kores»، «Iluka»، «JOGMEC» سياقتى ءىرى ينۆەستورلار بار. بۇدان باسقا، وسى كەزدە گەرمانيا مەن كانادا ينۆەس­تورلارىمەن ارىپتەستىك جونىندەگى ماسەلە پىسىقتالۋدا. جەزقازعان ايماعىن دامىتۋ ماقساتىندا ۇستىمىزدەگى جىلى «قازگەولوگيا» اق-قا 162 ملن. تەڭگە جوبالاۋ جۇمىستارىنا ءبولىندى، جالپى 2020 جىلعا دەيىن 25 ملرد. تەڭگە باعىتتاۋ جوسپارلانعان. ءوز بايانداماسىندا، جەر تۋرالى عىلىمدار ورتالىعىنىڭ ديرەكتورى اسقار مۇنارا، «نازارباەۆ ۋنيۆەرسيتەتى» باۇ-مەن بىرلەسىپ گەولوگيالىق زەرتتەۋ ورتالىعىن قۇرۋ بويىنشا جۇمىستاردىڭ جالعاسىپ جاتقانىن اتاپ ءوتتى. شەبەرلىك-جوسپار دايىندالدى، قازىر تەن جاسالۋدا. ورتالىق قۇرىلىسى 2014 جىلدىڭ قىركۇيەگىندە باستالاتىن بولادى. گزو قۇرىلىسىن قارجىلاندىرۋ نازارباەۆ ۋنيۆەرسيتەتى ەسەبىنەن اتقارىلسا، جابدىقتار «قازگەولوگيا» اق-تان. كەڭەس قورىتىندىسىندا، پرە­مەر-مينيستر مەملەكەت باس­شى­سىنىڭ بيىلعى حالىققا جولداۋىندا العا قويعان ماقساتتارعا تيىمدىلىكپەن قول جەتكىزۋ جونىندەگى يجتم-ءنىڭ اتقاراتىن ءتۇيىندى مىندەتىن اتاپ كورسەتتى. سەرىك احمەتوۆ كەن بارلاۋ جۇمىسى قازاقستان يندۋستريا­سىن دامىتۋ باسىمدىقتارىنىڭ ءبىرى بولىپ تابىلاتىنىن ايتتى.
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار