پرەزيدەنت • 05 قازان، 2021

ق.توقاەۆ اقش-تىڭ قازاقستانداعى ەلشىسىن قابىلدادى

201 رەت كورسەتىلدى

مەملەكەت باسشىسى اقش-تىڭ قازاقستانداعى توتەنشە جانە وكىلەتتى ەلشىسى ۋيليام موزەردى ەلىمىزدەگى ديپلوماتيالىق ميسسياسىنىڭ اياقتالۋىنا بايلانىستى قابىلدادى، دەپ جازادى Egemen.kz اقورداعا سىلتەمە جاساپ.

قاسىم-جومارت توقاەۆ قازاقستان مەن قۇراما شتاتتار اراسىنداعى ستراتەگيالىق سەرىكتەستىكتى كەڭەيتۋگە قوسقان ۇلەسى ءۇشىن امەريكالىق ديپلوماتقا العىس ايتتى.

– اقش-تىڭ ەلشىسى رەتىندە اتقارعان قاجىرلى ەڭبەگىڭىزگە ريزاشىلىعىمدى بىلدىرەمىن. قۇراما شتاتتار – قازاقستان تاۋەلسىزدىگىن العاش بوپ مويىنداعان ەلدەردىڭ ءبىرى. ءبىز مۇنى ەشقاشان ۇمىتپايمىز، – دەدى پرەزيدەنت.

1

مەملەكەت باسشىسى دوستاس ەكى ەل حالىقتارىنىڭ يگىلىگى جولىندا قازاقستاننىڭ اقش-پەن اراداعى كونسترۋكتيۆتى ىنتىماقتاستىعىن كەڭەيتۋگە بەيىلدى ەكەنىن ناقتىلادى.

1

ۋيليام موزەر قاسىم-جومارت توقاەۆقا قولداۋ كورسەتكەنى ءۇشىن العىس ايتىپ، ەلدە جۇرگىزىلىپ جاتقان ساياسي جانە ەكونوميكالىق رەفورمالاردى جوعارى باعالادى. سونىمەن قاتار امەريكالىق ديپلومات ۆاشينگتوننىڭ ورتالىق ازياداعى تۇراقتىلىق پەن قاۋىپسىزدىكتى قامتاماسىز ەتۋگە نيەتتى ەكەنىن جەتكىزدى.

كەزدەسۋ بارىسىندا ەكىجاقتى ىنتىماقتاستىققا جانە ايماقتىق كۇن تارتىبىنە، سونىڭ ىشىندە اۋعانستانداعى جاعدايعا قاتىستى وزەكتى ماسەلەلەر تالقىلاندى.

2

اڭگىمە سوڭىندا قاسىم-جومارت توقاەۆ ۋيليام موزەرگە العىس حات پەن ارناۋلى توسبەلگى تابىس ەتىپ، الداعى ديپلوماتيالىق قىزمەتىنە جەتىستىك تىلەدى.

11

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار