08 اقپان، 2014

قىس تۇسسە گازدان قىسادى

202 رەت كورسەتىلدى
سوڭعى جىلدارى قىس قاھارىنا مىنگەندە وزبەكستان جاعى وڭتۇستىكتى كوگىلدىر وتىننان قىسۋدى ادەتكە اينالدىرىپ بارا جاتقان سياقتى. اپتا باسىندا كورشى ەل وڭتۇستىك قازاقستان وبلىسىنا بەرەتىن گاز كولەمىن ازايتتى. بۇرىن ساعاتىنا 430 مىڭ تەكشە مەتر گاز كەلسە، وسى اپتادا ونىڭ قىسىمى 120 مىڭعا دەيىن تومەندەدى. ارينە، كورشىلەر مۇنىڭ سەبەبىن تەحنيكالىق اقاۋمەن بايلانىستىرۋدا. اقاۋ رەتتەلگەنشە «بەينەۋ» قورىنداعى كوگىلدىر وتىن كولەمى ارتتىرىلىپ، سارىاعاشتاعى گاز قورى ىسكە قوسىلدى. بىراق، ءبارىبىر وبلىس ورتالىعىنىڭ بىرنەشە شاعىن اۋداندارى كەشەگى كۇنگە دەيىن گازعا قول جەتكىزە المادى. قۇبىرداعى قىسىمنىڭ تومەن­دەۋىنە بايلانىستى بىرقاتار شىم­كەنتتىك كاسىپورىندارعا گاز بەرۋگە شەكتەۋ قويىلدى. بۇل – «قازترانسگاز ايماق» مەكە­مەسى مەن وبلىس اكىمدىگىنىڭ تۇتى­نۋشى حالىقتى كوگىلدىر وتىنسىز قالدىرماۋ ماقساتىندا ءوزارا كەلىسىمشارت ءتۇزۋ نەگىزىندە قابىلدانعان شەشىم. سونىمەن بىرگە، وبلىس ورتالىعىنىڭ تۇرعىن­دارىن جىلۋسىز قالدىرماۋ ءۇشىن «ەنەرگوورتالىق-3» قازاندىعى قوسىمشا قوردان وتىن الۋعا كوشتى. «ءبىزدىڭ قازاندىققا گاز ءدال قازىر ساعاتىنا 30 مىڭ تەكشە مەتردەن كەلىپ تۇر. بۇل ءبىزدىڭ كۇندەلىكتى پايدالانىپ جۇرگەن وتىنىمىزدىڭ جارتىسى عانا. ال جارتىسىن مازۋت جاعىپ قامتاماسىز ەتىپ وتىر­مىز. ايتسە دە، جىلۋ بەرۋ ماسە­لەسىندە ەشقانداي كىنارات بولعان جوق. قالانى جىلۋمەن ودان ءارى دە قامتاماسىز ەتە بەرەمىز»، دەي­دى «ەنەرگوورتالىق-3» اق باس دي­رەكتورىنىڭ ورىنباسارى جار­قىنبەك الىمبەتوۆ. كەشە «قازترانسگاز ايماق» اق وزبەكستان تاراپىنان كەلەتىن گازدىڭ بىرتىندەپ قالىپقا كەلە باستاعانىن حابارلادى. اقاۋدىڭ ورىن الۋىنا قاتتى اياز سەبەپ بولعان كورىنەدى. جالپى، گاز ماسە­لەسىنەن تۋىنداعان بۇل كەلەڭ­سىزدىك اپتا سوڭىنا دەيىن رەتكە كەلەدى دەيدى ماماندار. ايتسە دە، شىمكەنت قالاسىنىڭ ماڭىنداعى «قايتپاس»، «سامال» جانە باسقا دا بىرنەشە شاعىن اۋداندارعا گاز بەرىلگەنىمەن، كوگىلدىر وتىن قىسىمى ءالى دە تومەن كۇيىندە. سوندىقتان ءۇيىن جىلىتپاق تۇگىلى ءبىر شاينەك شاي قايناتىپ ىشە الماي وتىرعان حالىق ءالى ءارى-ءسارى كۇي كەشۋدە. ءتىپتى، وبلىستاعى تىلشىلەر قوسىنىنا سارىاعاشتىڭ كەيبىر شيپاجايلارىندا ەم الىپ جاتقان ادامدار تەلەفون شالىپ، مۇندا دا جىلۋ مەن جارىقتىڭ بولماۋىنان دەمالۋشىلاردىڭ ابىگەرگە ءتۇسىپ جاتقانىن ايتىپ شاعىمداندى. مىنە، قىسقا تاس-ءتۇيىن دايىن بولسا دا، «وزگەگە قاراعاننىڭ كۇنى قۇرىسىن» دەگەندەي، كورشى ەلدە بولعان اقاۋدان ەل ءاپ-ساتتە ءمۇساپىر بوپ قالدى. «اپات ايتىپ كەلمەيدى» دەگەن، رەسمي ورىندار «اقاۋدىڭ سالدارىنان جاعداي وسىلاي بولدى» دەگەن اقپارات تاراتقاننان كەيىن، ارينە، سەنۋگە ءماجبۇرمىز. ايتسە دە، ەل «بۇل – جىل سايىن قايتالاناتىن «جىر»، ءوز-اعامدار وڭتۇستىكتى قالاي جانە قاي ۋاقىتتا «قىسىپ» قويۋ كەرەك ەكەنىن جاقسى بىلەدى» دەگەن اڭگىمەسىندە ءبىر شىندىق بار سياقتى ما، قالاي ءوزى... ورالحان ءداۋىت، «ەگەمەن قازاقستان». وڭتۇستىك قازاقستان وبلىسى.
سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار