قوعام • 04 قازان، 2021

ەڭبەكمينى الەۋمەتتىك تولەم تاعايىنداۋعا قاتىستى پيلوتتىق جوبانى ىسكە قوستى

ەڭبەك جانە حالىقتى الەۋمەتتىك قورعاۋ مينيسترلىگى قر ادىلەت، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىكتەرىمەن بىرلەسىپ، ەكىنشى دەڭگەيدەگى بانكتەردىڭ ءموبيلدى قوسىمشالارى ارقىلى «بالا تۋعاندا بەرىلەتىن جانە بالا كۇتىمى بويىنشا جاردەماقىلاردى تاعايىنداۋ» جانە «بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەمدەردى تاعايىنداۋ» مەملەكەتتىك قىزمەتتەرىن كورسەتۋ جونىندەگى پيلوتتىق جوبانى ىسكە اسىرۋدى باستادى، دەپ جازادى Egemen.kz.

اسەل سارقىت

پيلوتتىق جوباعا «كاسپي بانكى» مەن «حالىق بانكى» قاتىسادى. جاردەماقى نەمەسە الەۋمەتتىك تولەم تاعايىنداۋدى رەسىمدەۋ ءۇشىن وسى بانكتەردىڭ ءبىرىنىڭ ءموبيلدى قوسىمشاسىندا مەملەكەتتىك قىزمەت كورسەتۋ بويىنشا ءبولىمدى تابۋ، ءتيىستى مەملەكەتتىك قىزمەتتى تاڭداۋ جانە دەربەس دەرەكتەردى وڭدەۋگە كەلىسىمدى راستاۋ قاجەت. ءوتىنىمدى جىبەرگەننەن جانە ونى مەملەكەتتىك ورگان قاراعاننان كەيىن تاعايىندالعان تولەم سوماسى تۋرالى PUSH-حابارلاما جانە SMS جىبەرىلەدى.

«بۇل جوبا كەلەسى توعىز ايدا جۇزەگە اسىرىلادى. وڭ ديناميكا مەن سۇرانىس بولعان، سونداي-اق ەكىنشى دەڭگەيدەگى بانكتەر تەحنيكالىق جاعىنان دايىن بولعان جاعدايدا جوبا پيلوتتىق فورماتتان قولدانىستاعى فورماتقا كوشىرىلەدى دەپ جوسپارلانۋدا. ءوز كەزەگىندە، مەملەكەتتىك ورگاندار باسقا ەكىنشى دەڭگەيدەگى بانكتەرمەن ىنتىماقتاسۋ جانە ءموبيلدى قوسىمشالارى ارقىلى كورسەتىلەتىن قىزمەتتەردىڭ تىزبەسىن كەڭەيتۋ ءۇشىن اشىق»، دەپ اتاپ ءوتتى ەڭبەكمينى مەملەكەتتىك قىزمەتتەردى تالداۋ جانە دامىتۋ دەپارتامەنتىنىڭ ديرەكتورى انار تولەۋباەۆا.

جاڭا سەرۆيس 5 قازاننان باستاپ قولجەتىمدى بولادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز