08 اقپان، 2014

باۋىرلاستىققا بەرىكپىز

157 رەت كورسەتىلدى
(بەلارۋستەن كەلگەن حات) قازاقستان پرەزيدەنتى نۇرسۇلتان نازارباەۆتىڭ كەڭەستەن كەيىنگى كەڭىستىكتەگى ينتەگراتسيالىق ۇدەرىستەردىڭ باستى قوزعاۋشىسى ەكەندىگى تمد اۋماعىندا عانا ەمەس، بۇكىل الەمدە دە جاقسى ءمالىم. بۇل ويىمىزدىڭ تاعى ءبىر دالەلى – بەلارۋس رەسپۋبليكاسىنان كەلگەن مىنا حات. وندا ولكەتانۋشى كونستانتين كورنەليۋك ەكى ەلدىڭ اراسىنداعى ىقپالداستىقتىڭ قاندايلىق ناقتى ناتيجەلەرگە جەتكىزىپ وتىرعانىن رازىلىقپەن ءسوز ەتەدى. مەنى، بەلارۋس رەسپۋبليكاسىنىڭ ازاماتى رەتىندە، بەلارۋس پەن قازاقستان اراسىندا قالىپتاسقان بەلسەندى ۇنقاتىسۋ ۇدەرىستەرى قۋانتادى: تۇراقتى نەگىزدە ەڭ جوعارى دەڭگەيدە ساپارلار الماسۋ جۇزەگە اسىرىلىپ، بەلارۋس پەن قازاق­­ستاننىڭ پرەزيدەنتتەرى مەن پرەمەر-مينيسترلەرىنىڭ كەزدەسۋلەرى وتكىزى­لىپ تۇرادى. مۇنداي كەزدەسۋلەر تمد، ەۋرازەق جانە ۇقشۇ شەڭبەر­لەرىندە دە اركەز ۇيىمداستىرىلىپ ءجۇر. قازاقستان رەسپۋبليكاسىنىڭ پرەزي­دەنتى ن.نازارباەۆتىڭ 2012 جىلدىڭ ما­مىرىنداعى مينسكىگە رەسمي ساپارى مەن بەلارۋس رەسپۋبليكاسىنىڭ پرەم­ەر-ءمينيسترى م.مياسنيكوۆيچتىڭ سول جىل­دىڭ قاراشاسىندا استاناعا رەسمي ساپارى ەكىجاقتى قارىم-قاتىناستاردىڭ سترا­تەگيالىق سيپاتتارىن قۋاتتاپ بەردى. ەكى ەل اراسىنداعى ديپلوماتيالىق قا­رىم-قاتىناس سوناۋ 1992 جىلدىڭ  16 قىر­­­­كۇيەگىندە ورناعانىن اتاپ وتكىم كەلە­دى. 1997 جىلى قازاقستاندا بەلارۋس­تىڭ ەلشىلىگى اشىلسا، 2002 جىلدىڭ ءشىل­­­دە­سىنەن بەرى الماتىدا ەلشىلىگىمىزدىڭ ءبولىم­شەسى جۇمىس ىستەيدى. ال قازاق­ستاننىڭ ءبىزدىڭ ەلىمىزدەگى ەلشىلىگى 1995 جىلى اشىلدى. قازىرگى تاڭدا ەكىجاقتى ىنتىماقتاستىققا كەلىسىمشارتتىق-قۇقىق­تىق نەگىز قالايتىن جۇزگە جۋىق شاماسىن­داعى حالىقارالىق كەلىسىمدەر مەن قۇجات­­تار­عا قول قويىلعان. قازاقستاننىڭ بەلارۋس­پەن سىرتقى ساۋدا كولەمى تمد ەلدەرى اراسىندا ءۇشىنشى ورىن الاتىنىن دا ەرەكشە اتاپ كورسەتكەن ءجون. العاشقى ەكى ورىندا بەلارۋستىڭ جاقىن كورشىلەرى رەسەي مەن ۋكراينا تۇرعانى تۇسىنىكتى بولسا كەرەك. سوڭعى جىلدارى قازاقستان اۋماعىندا بەلارۋس تەحنيكالارىن شىعاراتىن 13 قۇراستىرۋ كاسىپورنى قۇرىلعان. ولاردا كارەرلىك جانە شاحتالىق تەحنيكالار، تراكتورلار، كومبايندار، قوزعالتقىشتار، ليف­­­­تىلەر، اۋىل شارۋاشىلىعى تەحنيكالارىنا ارنالعان تىركەمەلەردىڭ بىرنەشە ءتۇرى قۇراستىرىلادى. 2011 جىلدان بەرى «بە­لارۋس-3022دتس.1» تراكتورى مەن كوم­باين­داردىڭ جاڭا ۇلگىلەرى شىعارىلا باستاسا، ولاردىڭ قوسالقى بولشەكتەرىن جاساۋ بويىنشا دا جوبا جولعا قويىلىپ ۇلگەرگەن. قازىرگى كەزدە ەكى ەل اراسىنداعى تاۋار اينالىمى مەن قىزمەت كورسەتۋلەر كولەمى 1 ملرد. دوللاردان اسىپ جىعىلادى. بەلارۋس ەكسپورتىنىڭ نەگىزىن كولىك قۇرالدارى، اۋىلشارۋاشىلىق تەحنيكالارى، ءسۇت ونىمدەرى، شينالار، جيھاز، قانت، سونداي-اق، اعاشتان جاسالعان بۇيىمدار، مۇزداتىلعان سيىر ەتى، پلاستيكتەن جاسالعان ونىمدەر، ۆاگوندار قۇرايدى. ال قازاقستاننان بىزگە بولات پروكاتتارى، وڭدەلمەگەن اليۋميني، بيداي، مىس لومدارى، مينەرالدى ارالاس تىڭايتقىشتار، جۇك كولىكتەرى، كونۆەيەرلىك لەنتالار، ماقتا تالشىعى، فوسفور قىشقىلىنىڭ تۇزى، پودشيپنيكتەر يمپورتتالادى. وتكەن جىلى ەكىجاقتى ەكونوميكالىق قاتىناستاردى بەلسەندىلەندىرە تۇسۋگە وڭ ىقپال ەتكەن بىرقاتار شارالار ۇيىمداستىرىلدى. ولاردىڭ قاتارىنا قازاقستان ىسكەر توپتارى وكىلدەرى دەلەگاتسياسىنىڭ ساپارىن جاتقىزۋعا بولادى. ونىڭ الدىندا استانادا ساۋدا-ەكونوميكالىق ىنتىماقتاستىق جونىندەگى بەلارۋس-قازاقستان ۇكىمەتارالىق كوميسسياسىنىڭ ءماجىلىسى ءوتتى. ەكى ەل ۇكىمەت باسشىلارىنىڭ قاتىسۋىمەن بەلارۋس-قازاقستان ىسكەرلەر فورۋمى، بەلارۋس ساۋدا-ونەركاسىپ پالاتاسى مەن قازاقستان ساۋدا-ونەركاسىپ پالاتاسى اراسىنداعى ىنتىماقتاستىققا سەرپىن قوسقان ىنتىماقتاستىق جونىندەگى ىسكەرلەر كەڭەسى، ت.ب. شارالار ۇيىمداستىرىلدى. ءسوز رەتىندە، بۇرناعى جىلى بەلارۋس ۇلتتىق تەحنيكالىق ۋنيۆەرسيتەتىندە اباي اتىنداعى قازاق ءتىلى، تاريحى جانە مادەنيەتى ورتالىعى رەسمي تۇردە اشىلعانىن، ارتىن­­­­­­شا ل.ن.گۋميلەۆ اتىنداعى ەۋرازيا ۇلت­تىق ۋنيۆەرسيتەتىندە بەلورۋس ءتىلى مەن مادە­­نيە­تىنىڭ ورتالىعى اشىلعانىن ايتا كەتەيىن. ارينە، قازاقستان مەن بەلارۋس جاس ەگەمەن ەلدەر جانە ءتۇرلى باعىتتاردا قيىندىقتار جولدى كەس-كەستەيتىنى دە جاسىرىن ەمەس. بىراق، بەلورۋستاردىڭ دا، قازاقتاردىڭ دا ەڭبەكسۇيگىش ۇلت ەكەنىن ەرەكشە اتاپ كورسەتكىم كەلەدى. سوندىقتان ءبىزدىڭ ەلدەرىمىزدى الدا تەك جاقسىلىقتار كۇتەتىنىنە سەنىمدىمىن. جانە دە ەكى ەل اراسىنداعى تامىرى تەرەڭدە جاتقان دوستىققا ەشكىمنىڭ ەشقاشان سىنا قاعا المايتىنى تاعى انىق. بەلارۋس پەن قازاقستاننىڭ تاريحىندا ورتاق تۇستار كوپ، مادەني-رۋحاني تامىرلارى دا تەرەڭدە جاتىر. جانە ءبىزدىڭ ءححى عاسىرداعى ومىرلەرىمىز باقىتتى دا باقۋاتتى، ينتەرناتسيونالدىق تۇرعىدان شىن مانىندە بەرىك بولۋى ءتيىس. ءبىزدىڭ بولاشاعىمىزدىڭ قانداي بولاتىنى ارقايسىمىزدىڭ وسى باعىتتا قانشالىقتى كۇش-جىگەر جۇمسايتىنىمىزعا دا تىكەلەي بايلانىستى بولادى دەپ سانايمىن. بەلارۋستە دوستىققا بەرىك، ىزگى نيەتتى ادامدار تۇرادى. ءبىزدىڭ حالقىمىز قوناقتارىن قاشاندا قۇشاق جايا قارسى الۋعا دايىن ءارى مادەنيەتىمىزبەن، داستۇرلەرىمىزبەن جاقىن تانىسقاندى قالايدى. بەلارۋس ەۋروپانىڭ كىندىگىندە ورنالاسقاندىقتان، بەس مەملەكەتپەن – رەسەيمەن، ۋكراينامەن، پولشامەن، ليتۆامەن جانە لاتۆيامەن شەكتەسەدى. ءوزىنىڭ ىڭعايلى گەوگرافيالىق ورنا­لا­سۋىنىڭ ارقاسىندا بەلارۋس ەۋروپا مەن تمد ەلدەرى اراسىندا ماڭىزدى ساۋدا جانە كولىك ءدالىزى بولىپ تابىلادى. ۆيتەبسك وبلىسى – بەلارۋستەگى 6 وبلىس­­­­­­تىڭ ءبىرى، ەلدىڭ سولتۇستىك-شىعى­سىن­دا ورنا­­­لاس­قان. وبلىسىمىز الەم تۋريستەرى ۇلكەن قاناعات سەزىمىمەن كەلەتىن «كولدى ولكە» ەۋرووڭىرىنە كىرەدى. وبلىسىمىزدا 2800-دەن استام كول، 500-دەن استام وزەن بار. براس­لاۆ كولدەرى دەپ اتالاتىن ۇلتتىق پارك قۇرىلعان. ۆيتەبسكىنىڭ مادەني مۇراسى دا وتە باي. 3 مىڭنان استام ارحەولوگيالىق، تا­ريحي، مادەني جانە ارحيتەكتۋرالىق ەسكەرتكىشتەر بار. 3 سوفيا  سوبورىنىڭ ءبىرى وسى ۆيتەبسكىدە ورىن تەپكەن. بۇل مونۋ­مەن­تالدى ەسكەرتكىش پولوتسكىدە 1044-1066 جىلدار ارالىعىندا ۆسەسلاۆ برياچيسلاۆيچ كنيازدىڭ تۇسىندا تۇرعىزىلعان. ءبىزدىڭ قالامىز اتاقتى حالىقارالىق «سلاۆيان بازارى» ونەر فەستيۆالىنىڭ وتانى بولىپ تابىلادى. مۇندا ونجىلدىقتار بويى جىل سايىن جەر شارىنىڭ تۇكپىر-تۇكپىرىنەن دوستارىمىز جينالىپ تۇرادى. بىزگە كەلىڭىزدەر. ءبىز سىزدەردى قاشاندا قۇشاق جايا قارسى الۋعا دايىنبىز. قۇرمەتپەن، كونستانتين كورنەليۋك، ولكەتانۋشى.       بەلارۋس رەسپۋبليكاسى، ۆيتەبسك قالاسى.
سوڭعى جاڭالىقتار

پولياك اندەرى ورىندالدى

ونەر • بۇگىن، 09:00

ءتورت تىلدە جازىلعان كىتاپ

ايماقتار • بۇگىن، 08:55

كەلەسى قارسىلاس – سەربيا

تەننيس • بۇگىن، 08:51

ءوندىرىس ورىستەگەن ءوڭىر

ايماقتار • بۇگىن، 08:49

سۇرانىس پەن ۇسىنىستىڭ اراسى

ءبىلىم • بۇگىن، 08:43

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار