08 اقپان، 2014

جارقىن بولاشاق باستاۋى

168 رەت كورسەتىلدى
كەشە عانا تابالدىرىعىمىزدى اتتاپ، تورگە وزعان، قوينى-قونىشى قۇتقا تولى جىلقى جىلىنىڭ ەڭ باستى جاقسى جاڭالىعى، ايتۋلى وقيعاسى، تارتۋ-تارالعىسى – ەلباسىنىڭ قازاقستان حالقىنا ءداستۇرلى جولداۋى بولدى. بۇل جولداۋ بۇرىنعى جولداۋلاردان وزگەرەك. بىرىنشىدەن، «قازاقستان-2050» سترا­تەگياسىنىڭ باسىم باعىتتارىن بارىنشا ناقتىلاپ جانە ءبىر سۇزگىدەن وتكىزىپ، ميلليونداعان جۇرەكتەرگە سەنىم ۇيالاتىپ، تىڭ سەرپىن بەردى. كەلەشەگىمىزدىڭ كەمەل، بولاشاعىمىزدىڭ باياندى بولۋىن قامتاماسىز ەتەتىن تاريحي قۇجاتتىڭ كۇش-قۋاتىن بۇكىل الەمگە پاش ەتتى. ەكىنشىدەن، «ماڭگىلىك ەل» ۇلتتىق يدەياسى جاريا ەتىلدى. ايتىڭىزشى، ءماڭ­گىلىك ەل بولۋدى ارماندامايتىن ەل بار ما، ءوزى. ەندەشە، ءۇمىتى ۇكىلى، پەيىلى اق، نيەتى تازا، ارمانى اسىل، قيالى اسقاق قا­زاق ەلى –  ماڭگىلىك ەل بولۋعا ابدەن لاي­­ىق. سونىمەن بىرگە، كوپتىڭ كوڭى­لىن كۇپتى ەتىپ جۇرگەن وسى ءبىر كۇر­دە­لى ءما­سە­لە­نىڭ ءتۇيىنى تارقاتىلىپ، تاريح پاراعى­نىڭ جاڭا  بەتتەرى اشىلدى. ەن­دى قازاق ەلى وسى يدەيانىڭ توڭىرەگىنە  جۇدى­رىقتاي جۇ­مى­لىپ، ىنتىماق پەن بىرلىك تۋىن بيىك ۇستا­نىپ، الەمدىك بايگەدە ات وزدىراتىن بولدى. جولداۋدا ەل تاعدىرىنا، ۇلت بو­لا­شاعىنا، مەملەكەت مەرەيىنە قاتىستى تولىققاندى تارازىلانعان تىڭ ويلاردىڭ تىزبەگى تاپتىشتەلىپ ايتىلعان. كوزدەن تاسا، كوڭىلدەن تىس، ويدان جىراق ءبىر­دە-ءبىر ماسەلە قالماعان، ءبارى-ءبارى تاپ-تۇيناقتاي قامتىلعان. اسىرەسە، ەل دامۋىنىڭ لوكوموتيۆى – يننوۆاتسيالىق-يندۋستريالىق جوبالاردىڭ ىسكە اسىرىلۋى، ءبىلىم مەن  عىلىم، مەديتسينا مەن الەۋمەتتىك سالانىڭ الەۋەتى، اۋىل­شارۋاشىلىعى مەن ونەركاسىپتىڭ وركەن جايۋى جانە دە ومىرلىك ماڭىزى بار باسقا دا ماسەلەلەردىڭ باعىت-باعدارى ناقتى  ايقىندالعان. مەن ءوزىم كاسىپكەر بولعاندىقتان، جولداۋدا ايتىلعان كاسىپكەرلەر تۋرالى تاعىلىمدى ويلارعا، ساليقالى سوزدەرگە  اسا ءمان بەردىم. ەلىمىزدە 800 مىڭداي شاعىن جانە ورتا بيزنەس  وشاقتارى  2،5 ملن. ادامدى جۇمىسپەن قامتىپ، ەل ەكونوميكاسىنىڭ وركەندەۋىنە سۇبەلى ۇلەس قوسىپ كەلەدى. ەلباسى ءوز جول­داۋىندا: «مەملەكەتتىڭ ەڭ باستى تەتىگى – قازاقستاندىق شاعىن جانە ورتا بيزنەستىڭ دامۋىنا بارلىق جاعداي تۋعىزۋ كەرەك»، دەپ جانە ءبىر رەت قاداپ ايتتى. ايتسا ايتقانداي-اق، ەلباسى بيزنەستىڭ العاشقى اياق الىسىنان باستاپ وسى كۇنگە دەيىنگى قادامدارىن ءبىر ءسات تە كوزدەن تاسا، ويدان جىراق قالدىرىپ كورگەن ەمەس. ءبىز، كاسىپكەرلەر پرەزيدەنتتىڭ قامقور پەيىلىنە ءدان ريزامىز ءھام قارىزدارمىز. بيزنەستىڭ وركەندەۋى – ەلدىڭ كوركەيىپ، وركەندەۋى دەپ بىلەمىز. وتكەن جىلدىڭ جەلتوقسان ايىندا اسەم استانانىڭ تاۋەلسىزدىك سارايىندا وتكەن «يندۋستريالاندىرۋ كۇنى» فورۋمىنا قاتىسىپ، پرەزيدەنتتى كوزبەن كورىپ، ايتقان سوزدەرىن ءوز قۇلاعىممەن تىڭداعان ەدىم. ەلباسى سوزىنە ەلىتىپ، بويىمدى ماقتانىش سەزىمى كەرنەگەنىن قالاي جاسىرايىن. سول جيىندا ەل پرەزيدەنتى: «شاعىن جانە ورتا بيزنەس يەلەرىنىڭ قالتاسىنا قول سۇققان شەنەۋنىك  جەمقور عانا ەمەس، ول ەل بولاشاعىنىڭ ەڭ قاۋىپتى جاۋى»، دەپ اتاپ كورسەتكەن بولاتىن. ءيا،  وكىنىشكە قاراي، كاسىپكەرلەرگە كە­دەر­گى كەلتىرۋشىلەر ءالى كۇنگە جوق ەمەس. دەگەنمەن، پرەزيدەنتتىڭ بيزنەس وكىلدە­رى­نە دەگەن شىنايى قامقورلىعى مەن ىقىلا­سىنىڭ ارقاسىندا بيزنەستىڭ باعى جانا­تىنىنا، ومىردە ءوز ورنىن ويىپ تۇرىپ الاتىنىنا كامىل سەنەمىن. ەلباسىنىڭ قازاقستان حالقىنا جول­داۋى – ۇلى مۇراتتاردى ارقالاپ، ۇلت­تىق سانانى سەرپىلتىپ، تاڭبالى تاريحى­مىزدىڭ تورىنەن ورىن الدى. بيىلعى جولداۋ – ءححى عاسىردىڭ ءبىرىنشى جارتى­سىندا قازاق ەلىنىڭ ءجۇرىپ وتەتىن قيىن دا سىندارلى جولىن، باعىت-باعدارىن اي­قىن­داپ بەردى. بيىلعى جولداۋ – ەلى ءسۇي­گەن، ەلىن سۇيگەن ەلباسىنىڭ كورە­گەن­دى­گىن، سارابدال ساياسات يەسى ەكەنىن كورسەتتى. ەڭ باستىسى، بيىلعى جولداۋ ءاربىر ازاماتتىڭ ەل مەن جەر تاعدىرىنا بەي-جاي قاراماي،  قازاقستاننىڭ بولاشاعىنا ايانباي ەڭبەك ەتۋگە شاقىردى. باۋىرجان وڭعارباەۆ، كاسىپكەر، «الپامىس باتىر» قوعامدىق قورىنىڭ پرەزيدەنتى. وڭتۇستىك قازاقستان وبلىسى، ماقتاارال اۋدانى
سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار