وزىق تەحنولوگياعا سۇيەنگەن ۇتار

قازاقستاننىڭ قيىر شەتىندە جاتساق تا, كوڭىلىمىز سەرگەك, قۇلاعىمىز تۇرىك. قازاقستان پرەزيدەنتى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋى يگى ماقساتتارعا جەتەلەۋىمەن ءتانتى ەتتى. تاريحي قۇجاتتا «ماڭگىلىك ەل» ۇلت­تىق يدەياسى جاريا ەتىلىپ, دامىعان 30 ەل­دىڭ قاتارىنا كىرۋدىڭ ۇزاقمەرزىمدى 7 ستراتەگيالىق باسىمدىعى بەلگىلەندى. قاي-قايسىسى بولسىن اۋقىمدىلىعىمەن, جاڭا­شىلدىعىمەن ەرەكشەلەنەدى. ءوزىم كوپ جىلدان بەرى اۋىل ­شا­­رۋا­­شى­لىعى سالاسىندا ەڭبەك ەتىپ كە­لە­­مىن. اركەز ناقتى پراكتيكالىق باعدار­­لا­­ما­لاردى جۇزەگە اسىرۋدا مەملە­كەتتىڭ قول­داۋىنا يە بولىپ ءجۇرمىز. تەك بيىل­دىڭ وزىندە بىرقاتار قارجىلىق جەڭىل­دىك­تەر الدىق. ءداستۇرلى جولداۋدا اۋىل ادامدارى ءۇشىن ءداستۇرلى سالا بولىپ سانا­لاتىن اگروونەركاسىپ كەشەنىن يننو­ۆاتسيالىق باعىتپەن دامىتۋ جول­دارىنىڭ كۇن تارتىبىنە قويىلۋى كەز­دەيسوق ەمەس. ويتكەنى, الەمدە ازىق-ت ۇلىك­كە دەگەن سۇرانىس ءوسىپ كەلەدى. ونىڭ تاپشى­لىعىن بولدىرماۋدىڭ بىردەن-ءبىر جولى – جاڭا تەحنولوگيالارعا سۇيەنۋ, ءونىم­دىلىكتى ۇزدىكسىز ارتتىرۋ. ءبىر سوزبەن ايت­قاندا, الدىمىزدا اۋا رايىنا بايلانىستى كەزدەيسوق جەتىستىكتەرگە الدانىپ قالماي, ءوندىرىس ءوسىمىن ءوسىرۋ مىندەتتەرى تۇر. جەر-انا دا ماپەلەگەندى, كۇتكەندى سۇيە­دى. مۇنى جەرمەن جۇمىس ىستەيتىندەر جاق­سى بىلسە كەرەك. اگروحيميكاتتاردى ءتيىم­دى تۇتىنۋ, قۋاڭ جەرلەردە توپىراقتى ءنول­دىك وڭدەۋ, زاماناۋي تەحنيكالار پار­كىن كوبەيتۋ سەكىلدى كەشەندى شارالاردى تاجىريبەگە اينالدىرۋدىڭ ماڭىزى زور. ەلباسى تاعى دا قازاقستاندى ەت جانە ءسۇت ونىمدەرىن ەكسپورتتايتىن ءوڭىر­لىك ءىرى ەلگە اينالدىرۋ, مايلى جانە ازىقتىق ونىمدەردى كوپتەپ ءوسىرۋ تالابىن قويدى. ءبىز سوڭعى جىلدارى وسى باعىتقا شىنداپ بەت بۇرۋدى ويلاستىرىپ, ەتتى ءىرى قارا مالىن كوبەيتۋدى قولعا الىپ وتىرمىز. فەرمەرلەردى ۇزاقمەرزىمدى قارجىلاندىرۋ بۇعان جاعداي جاساۋدا. الدا تۇرعان مىندەتتەر ناقتى, يگى ماقساتىمىز ايقىن. ول – ەلباسى اتاپ وتكەندەي, كۇشتى, قۋاتتى مەملەكەت قۇرۋ, بارلىق سالانى قامتيتىن جانە ۇزدىكسىز ءوسۋدى قامتاماسىز ەتەتىن جاڭعىرۋ جولى. سونىمەن بىرگە, بارشا قازاقستاندىقتاردى «2050» سترا­تەگياسىنىڭ ماقساتىنا جەتۋ جونىندەگى جۇ­مىسقا بەلسەنە قاتىسۋعا شاقىردى. مۇن­داي ۇندەۋگە ءبىز ارقاشان دايىنبىز. ەلدىگىمىز بەن بىرلىگىمىز, ەرلىگىمىز بەن ەڭبەگىمىز سىنالاتىن جەردە ورتاق پارىز­عا, ابىرويلى مىندەتكە ءۇن قوسۋ اركىمنىڭ ازاماتتىق پارىزى بولسا كەرەك. مۇحامەدجان لۇقپانوۆ, «لۇقپانوۆ» جشس ديرەكتورى. سولتۇستىك قازاقستان وبلىسى, اقجار اۋدانى.