08 اقپان، 2014

جاسامپازدىق جارشىسى

245 رەت كورسەتىلدى
جىلقى جىلى جاعىمدى جاڭالىقپەن ەسىك اشتى. ولاي دەۋىمىزدىڭ ءمانىسى بار. بۇل پرەزيدەنتىمىز  نۇرسۇلتان نازارباەۆتىڭ حالىققا ارناعان ءداستۇرلى جولداۋى بولاتىن. ەلباسىمىزدىڭ ءاربىر جولداۋىندا جالپاق جۇرتتىڭ يگىلىكتى قادامى، اسقاق باستامالارى، ۇكىلى ءۇمىتى جاتىر. ءارى سول ۇمىتتەرى قاپىسىز اقتالىپ تا ءجۇر. «ماڭگىلىك  ەل اتا-بابالارىمىزدىڭ سان مىڭ جىلدان بەرگى اسىل ارمانى. «قازاقستان-2050» ستراتەگياسى ماڭگىلىك ەلگە باستايتىن ەڭ ابىرويلى، ەڭ مارتەبەلى جول»، دەگەن پرەزيدەنتىمىزدىڭ لەبىزىنەن زور اسەر الدىم. قازاقتىڭ «ارمانسىز ادام قاناتسىز قۇسپەن تەڭ» دەگەن دانالىعى بار. ءبىزدىڭ اتا-بابالارىمىزدىڭ باستى ارمانى تاۋەلسىزدىك بولعانىن ەشكىم جوققا شىعارا المايدى. «بىلىكتى مىڭدى جىعارىن» ءومىردىڭ ءوزى دالەلدەۋدە. وركەنيەتتى ەلدەردىڭ قاتارىنا ەنۋدى مۇراتتاعان ءبىزدىڭ ەلىمىزدە ءبىلىم الۋ جاقسى جولعا قويىلعان. پرەزيدەنتىمىزدىڭ 2016 جىلدان باستاپ ستۋدەنتتەردىڭ شاكىرتاقىسىن ارتتىرۋ، جاستاردىڭ ورتا تەحنيكالىق ءبىلىم الۋىن مەملەكەتتىك كەپىلدەندىرىلگەن جۇيەگە كوشىرۋدى قاراستىرۋ قاجەت دەگەن تاپسىرماسى وسكەلەڭ بۋىنعا دەگەن اكەلىك قامقورلىق دەسەك، جاراسىمدى. سونداي-اق، جولداۋدا ەلباسىمىزدىڭ «قازاقستان گەولوگيالىق بارلاۋ سالاسىندا الەمدىك نارىققا شىعۋى، مۇناي مەن گاز ءوندىرۋدىڭ مۇمكىندىگىن ايقىنداۋى كەرەك» دەۋى كوپشىلىكتىڭ كوكەيىندەگىسىن ءدوپ باستى. نە ىستەۋ كەرەك؟ جۇمىر الەمدى وسىنداي ساۋال بيلەگەن تۇستا  ەلباسى  نۇرسۇلتان نازارباەۆ ءبىزدىڭ ەلىمىزدىڭ بولاشاعىن  ءدال كورسەتىپ بەردى. وعان جولداۋداعى: «الەمنىڭ دامىعان 30 ەلىنىڭ قاتارىنا قوسىلۋداعى ۇمتىلىسىمىزدى ەكى كەزەڭ ارقىلى جۇزەگە اسىرۋ قاجەت. ءى كەزەڭ 2030 جىلعا دەيىنگى كەزەڭدى قامتيدى. وندا ءححى عاسىر «مۇمكىندىكتەر تەرەزەسىن» پايدالانىپ جاڭعىرتۋ سەرپىلىسىن جاساۋ كەرەك»، دەگەن سوزدەر دالەل. وركەنيەت كوشىنە ارشىندى قاداممەن العا باسقان ەلىمىزدە بۇعان تولىق نەگىز قالانعان. مۇنداي احۋال ءبىزدىڭ سىر وڭىرىنە دە ءتان. شاعىن جانە ورتا بيزنەستى دامىتۋ پرەزيدەنتىمىزدىڭ قاشاندا تۇراقتى نازارىندا. كاسىپكەرلەرگە ءتۇرلى جەڭىلدىكتەر جاسالىپ، قارجىلاي قولداۋ كورسەتىلۋى كاسىپ يەلەرىنىڭ ءوز ىسىنە دەگەن سەنىمىن نىعايتا تۇسۋدە. مەنى، اسىرەسە، جولداۋداعى اۋىل شارۋا­شى­لى­عىندا بيزنەستى دامىتۋ، جەردى ءتيىمدى پايدا­لانۋعا كەدەرگى كەلتىرەتىن توسقاۋىلداردى جويۋ، قازاقستاننىڭ اگروونەركاسىپ كەشەنىنىڭ يننوۆاتسيالىق باعىتقا كوشۋىن قامتاماسىز ەتۋ جايى قاتتى تولعاندىردى. اۋىلدىڭ وركەندەۋى قازاقستاننىڭ وركەندەۋى. ولاي بولسا، دالا پەرزەنتتەرىنىڭ تۇرمىس-تىرشىلىگى مۇنان دا گورى جاقسارا تۇسەرىنە داۋ جوق. سامۇرات يماندوسوۆ، وبلىستىق ءماسليحات دەپۋتاتى، «رزا» اق-تىڭ پرەزيدەنتى. قىزىلوردا وبلىسى، قازالى اۋدانى. 
سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار