08 اقپان، 2014

«ماڭگىلىك ەل» يدەياسى ءبىلىمنىڭ ارقاسىندا جۇزەگە اسادى

183 رەت كورسەتىلدى

قوستاناي مەملەكەتتىك پەداگوگيكالىق ينستيتۋتىنىڭ

وقىتۋشىلارى مەن ستۋدەنتتەرى وسىنداي ورتاق پىكىرگە توقتادى

01 (2)قوستاناي مەملەكەتتىك پەداگوگيكالىق ينستيتۋتىندا ۇستازدار مەن ستۋدەنتتەر ەلباسى نۇرسۇلتان نازارباەۆتىڭ قازاقستان حالقىنا «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى بيىلعى جولداۋىن تالقىلاۋعا جينالدى. ينستيتۋت رەكتورى قۋات بايمىرزاەۆ جولداۋدىڭ جانە «ماڭگىلىك ەل» يدەياسىنىڭ ماڭىزىنا توقتالدى.

– ەلباسى نۇرسۇلتان نازارباەۆ 2012 جىلدىڭ اياعىندا قازاقستان حالقىنا «قازاقستان-2050» ستراتەگياسى – قالىپ­تاس­قان مەملەكەتتىڭ جاڭا ساياسي باعىتى» اتتى تاريحي جولداۋىن جولداعان بولاتىن. بيىلعى «قازاقستان جولى – 2050: ءبىر ماقسات، ءبىر مۇددە، ءبىر بولاشاق» اتتى بيىل­عى جولداۋىندا 2050 جىلعا دەيىنگى سترا­تە­گيالىق ماقساتتاردى ىسكە اسىرۋ، ونىڭ ورىندالۋ جولدارىن كورسەتتى. بيىلعى جولداۋ دا تاريحي ماڭىزعا يە. ويتكەنى، وسى قۇجاتتا ەلباسى «ماڭگىلىك ەل» يدەياسىن العا تارتتى. بولاشاقتا الەمدەگى وزىق 30 ەلدىڭ قاتارىنان كورىنۋىمىزدى ماقسات ەتىپ قويدى. ول ءۇشىن ەلدە وتە كوپ جۇمىستار اتقارىلاتىن بولادى. ونى اتقاراتىن ءبۇ­گىن­گى جاس ۇرپاق، ستۋدەنتتەر، ەرتەڭگى ماماندار، سىزدەر بولاسىزدار، – دەدى قۋات مارات ۇلى. مۇنان كەيىن ءبىلىم ورداسىنىڭ وقى­تۋ­شىلارى مەن ستۋدەنتتەرى ءسوز الىپ، جول­داۋ­دى تالقىلادى، ءوز پىكىرلەرىن ورتاعا سالدى. – ەلباسى نۇرسۇلتان نازارباەۆ ءوزىنىڭ بارلىق جولداۋلارىندا مەملەكەتتىڭ مىقتى بولۋى ءبىلىم مەن عىلىمدى دامىتۋعا بايلانىستى ەكەنىن ايتىپ كەلەدى. وسى جولى دا: «ءححى عاسىرداعى دامىعان ەل دەگەنىمىز – بەلسەندى، ءبىلىمدى جانە دەنساۋلىعى مىقتى ازاماتتار. بۇل ءۇشىن ءبىز نە ىستەۋىمىز كەرەك؟ بىرىنشىدەن، بارلىق دامىعان ەلدەردىڭ ساپالى بىرەگەي ءبىلىم بەرۋ جۇيەسى بار. ۇلتتىق ءبىلىم بەرۋدىڭ بارلىق بۋىنىنىڭ ساپاسىن جاقسارتۋدا ءبىزدى اۋقىمدى جۇمىس كۇتىپ تۇر» دەي كەلىپ، نۇرسۇلتان ءابىش ۇلى اتقارىلار جۇمىستاردى سارالاپ بەردى. «ۇلگەرىمى جاقسى ستۋدەنتتەر مەن وقۋشىلاردى قولداۋدىڭ ءتيىمدى جۇيەسىن جاساۋ قاجەت دەپ سانايمىن. ۇكىمەتكە 2016 جىلعى 1 قاڭتاردان باس­تاپ ستيپەنديالار مولشەرىنىڭ 25 پايىزعا ءوسىرىلۋىن قامتاماسىز ەتۋدى تاپسىرامىن» دەگەن ءسوزى بىزگە قانات بىتىرگەندەي بولدى. بۇل ءبىلىم قۋعان ستۋدەنت جاستار ءۇشىن اكەلىك قامقورلىق ەمەس پە؟ – دەدى تازا قازاق تىلىندە سويلەگەن شەت تىلدەرى فاكۋلتەتىنىڭ 4-كۋرس ستۋدەنتى اللا گاۆرينا. مۇنان كەيىن ول قوستاناي پەداگوگيكا ينستيتۋتىنداعى ستۋدەنتتەرگە ارنالعان الەۋمەتتىك كومەككە دە توقتالىپ ءوتتى. كوپبالالى وتباسىندا وسكەن اللانىڭ ءوزى دە قازىر جاتاقحانامەن قامتاماسىز ەتىلدى، ينستيتۋت گرانتىمەن ءبىلىم الۋدا. مۇنان كەيىن ينستيتۋتتىڭ وقۋ جانە ادىستەمەلىك جۇمىستار جونىندەگى پرورەكتورى مۇحتار تولەگەن، تاريح جانە ونەر فاكۋلتەتىنىڭ 4-كۋرس ستۋدەنتى قازمان راتبەك، عىلىم جانە شەتەلدەرمەن بايلانىس جونىندەگى پرورەكتور ەركىن ءابىل، ءبىلىم ورداسىنىڭ جاستار ءىسى جونىندەگى كوميتەتىنىڭ باسشىسى ولجاس دۇيسەكوۆ جانە باسقالار جولداۋدا ايتىلعان ماڭىزدى ماسەلەلەرگە ءوز پىكىرلەرىن قوستى. ولاردىڭ بارلىعى دا قازاقستاننىڭ دامىپ، 30 ەلدىڭ قاتارىنان كورىنۋى ءۇشىن ەلباسى تاپسىرعان عىلىمي قامتىمدى ەكونوميكانى دامىتۋ، عىلىمعا بىلىكتى عالىمدار كەلۋ كەرەكتىگىنە توقتالدى. ال عىلىم ينەمەن قۇدىق قازعانداي ءبىلىمنىڭ ارقاسىندا عانا جالىنان سيپاتادى. سوندىقتان جولداۋدا ەلباسى العا قويعان ماقساتتار ۇدەسىنەن شىعۋ ءۇشىن ءار ستۋدەنتتىڭ تالماي ىزدەنىپ، عىلىمي-زەرتتەۋ جۇمىستارىنا، جوبالاردى جۇزەگە اسىرۋعا بەلسەنە كىرىسۋ كەرەكتىگى ايتىلدى. جاس ۇرپاق بويىندا ءبىلىم نەگىزىن قالايتىن بولاشاق ۇستاز بولعاندىقتان، پەداگوگيكا ينستيتۋتىنداعى ءار ستۋدەنت بىلىمگە دەگەن قۇشتارلىعىن دا، ەڭبەگىن دە ەسەلەۋ كەرەكتىگى تۋرالى ورتاق توقتامعا ۇيىدى. «ماڭگىلىك ەل» يدەياسى ءبىلىمنىڭ ارقاسىندا مۇمكىن بولادى. ءنازيرا جارىمبەتوۆا، «ەگەمەن قازاقستان». قوستاناي.
سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار