شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, كريمينالدىق پوليتسيا قىزمەتكەرلەرى, اۋىل شارۋاشىلىعى باسقارماسى ماماندارى جانە ۆەتەرينارلاردىڭ قاتىسۋىمەن ەت ونىمدەرى ساتىلاتىن بازارلار, پاۆيلوندار, جارمەڭكەلەر مەن دۇكەندەرگە رەيد جۇرگىزىلدى.
«قىلمىستارعا جاسالعان تالداۋ ناتيجەسىندە, كۇز باستالۋىمەن ساۋدا ورىندارىندا ۇرلانعان مالدىڭ ەتىن ساتۋ فاكتىلەرىنىڭ سانى ارتقانى بەلگىلى بولىپ وتىر. شارا بارىسىندا وسكەمەن جانە سەمەي قالالارىنىڭ ەت ساتۋ ورىندارى جانە ەت تاسىمالداعان 52 اۆتوكولىك تەكسەرىلدى. اقبتك-ءنىڭ 406-بابىنا سايكەس (ەت ونىمدەرىن تاسىمالداۋ ەرەجەلەرىن بۇزۋ) 16 ادام اكىمشىلىك جاۋاپقا تارتىلدى», دەپ حابارلادى ۆەدومستۆو وكىلدەرى.
سونىمەن قاتار پوليتسيا قىزمەتكەرلەرى جەكە كاسىپكەرلەرگە قىلمىستىق جولمەن الىنعان ءونىمدى ساتىپ العانى ءۇشىن جاۋاپقا تارتىلاتىندىعى تۋرالى, ءتيىستى قۇجاتتاردى راسىمدەۋ قاجەتتىلىگى جايلى ءتۇسىندىرۋ جۇمىستارى جۇرگىزىلدى.
