ءىس-شارا بارىسىندا قازاقستاننىڭ بۇۇ تۇراقتى دامۋ ماقساتتارىنا قول جەتكىزۋگە جانە مساك جونىندەگى الماتى جانە استانا دەكلاراتسيالارىن جاھاندىق اۋقىمدا ىلگەرىلەتۋگە بەيىلدىلىگى تاعى دا راستالدى.
ءوز سوزىندە ا.تسوي ۇيىمداستىرۋشىلارعا, سونىڭ ىشىندە گرۋزيا, جاپونيا, تايلاند, دۇنيەجۇزىلىك دەنساۋلىق ساقتاۋ ۇيىمى جانە دسقجق-2030 قوزعالىسىن ۇيىمداستىرعانى جانە قازاقستاندى كو-دەمەۋشى رەتىندە شاقىرعانى ءۇشىن العىسىن ءبىلدىردى. مينيستر اتاپ وتكەندەي, بۇۇ-عا مۇشە مەملەكەتتەردىڭ دەنساۋلىق ساقتاۋ قىزمەتتەرىمەن جاپپاي قامتۋدى قولداۋ جانە وعان قول جەتكىزۋ مىندەتتەمەسى 2030 جىلعا قاراي COVID-19 پاندەمياسى كەزىندە بارعان سايىن كۇردەلى جانە ماڭىزدى مىندەتكە اينالۋدا. دسقجق-نىڭ نەگىزىندە بارلىق حالىق قانداي دا ءبىر قارجىلىق قيىندىقتارسىز مۇقتاج بولاتىن ساپالى مەديتسينالىق قىزمەتتەرگە قول جەتكىزە الۋى ءتيىس دەگەن قاعيدات جاتىر.
استانا قالاسىنىڭ مساك جونىندەگى دەكلاراتسياسىندا كورسەتىلگەندەي, العاشقى مەديتسينالىق-سانيتاريالىق كومەك «دەنساۋلىق ساقتاۋ قىزمەتتەرىمەن جاپپاي قامتۋدى قامتاماسىز ەتۋ جانە دەنساۋلىققا بايلانىستى ورنىقتى دامۋ ماقساتتارىنا قول جەتكىزۋ ءۇشىن تۇراقتى دەنساۋلىق ساقتاۋ جۇيەسىنىڭ ىرگەتاسى» بولىپ تابىلادى. بۇدان باسقا, مساك گۋمانيتارلىق قاعيداتتارعا سايكەس كۇتىمنىڭ ۇزدىكسىزدىگىن جانە نەگىزگى مەديتسينالىق قىزمەتتەر ۇسىنۋدى قامتاماسىز ەتە وتىرىپ, توتەنشە جاعدايلاردا دسقجق -نىڭ تىرەگى بولىپ تابىلادى. تيىسىنشە, COVID-19 پاندەمياسى مساك-تىڭ ءوسىپ كەلە جاتقان ماڭىزدىلىعىن اتاپ ءوتتى, پاندەمياعا دەن قويۋدىڭ نەگىزگى شارالارىنىڭ ءبىرى بولىپ قالا بەرەدى جانە سونىمەن بىرگە حالىقتىڭ نەگىزگى مەديتسينالىق قىزمەتتەرگە قول جەتكىزۋىن قامتاماسىز ەتەدى.
«قازاقستان العاشقى مەديتسينالىق-سانيتارلىق كومەكتىڭ بەسىگى بولىپ تابىلادى, وندا ددۇ-عا مۇشە مەملەكەتتەر 1978 جىلعى تاريحي الماتى دەكلاراتسياسىن دا, ونىڭ ميراسقورىن دا, 2018 جىلى مساك جونىندەگى استانا دەكلاراتسياسىن دا قابىلدادى. بۇدان باسقا, ەلدەر مساك-تىڭ جەدەل نەگىزىن قابىلدادى, ول ولارعا ۇلتتىق دەڭگەيدە مساك-تى كۇشەيتۋ ءۇشىن 14 تەتىك بەرەدى», دەدى ا.تسوي.
سونىمەن قاتار قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ 2021 جىلعى مامىردا دۇنيەجۇزىلىك دەنساۋلىق ساقتاۋ اسسامبلەياسىنىڭ 73-سەسسياسىندا قازاقستاندا ورنالاسقان ددۇ-نىڭ مساك جونىندەگى ەۋروپالىق ورتالىعى العاشقى مەديتسينالىق-سانيتاريالىق كومەك سالاسىنداعى وزىق تاجىريبەنى ازىرلەۋ جانە بەرۋ جاھاندىق دەڭگەيدەگى ورتالىعى بولۋعا ءتيىس ەكەنىن اتاپ ءوتتى. ءسوز سوڭىندا ا. تسوي بارلىعىنا ناتيجەلى پىكىرتالاس تىلەدى.
