قازاقستان • 01 قازان، 2021

قازاق راديوسىنىڭ 100 جىلدىعىنا وراي پوشتا ماركالارى شىعارىلدى

124 رەت كورسەتىلدى

«قازپوشتا» اق قازاق راديوسىنىڭ 100 جىلدىق مەرەيتويى مەن ل. ن. گۋميلەۆ اتىنداعى ەۋرازيا ۋنيۆەرسيتەتىنىڭ 25 جىلدىعىنا وراي پوشتا ماركالارىن شىعاردى، دەپ حابارلايدى Egemen.kz.

مەرەكەلىك پوشتا ماركاسى قازاقستان اۋماعىندا 2021 جىلدىڭ 7 قازانىندا اينالىمعا ەنگىزىلەدى.

«ەستەلىك جانە مەرەيتوي كۇندەرى» سەرياسىنداعى پوشتا ماركاسىنىڭ تارالىمى 2 ملن دانا، كولەمى 26 ح 18 مم. ماركانىڭ نومينالى - 100 تەڭگە.

سونىمەن بىرگە قازپوشتا ل. ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 25 جىلدىعىنا ارنالعان پوشتا ماركاسىن شىعاردى. «ەستەلىك جانە مەرەيتوي كۇندەرى» سەرياسىنداعى پوشتا ماركاسىنىڭ تيراجى 1 ملن دانا. ونىڭ نومينالى 300 تەڭگە. كولەمى 26 ح 18 مم، ليتەراسى «ۆ». ديزاينەر ىڭكارىم-اي وڭعارباي.

بيىل ۇلتتىق پوشتا وپەراتورى «فاۋنا» مەن «ەستەلىك جانە مەرەيتوي كۇندەرى» سەرياسى بويىنشا ءارتۇرلى تاقىرىپتا 13 ملن دانا ستاندارتتى پوشتا ماركاسىن شىعارادى.

جالپى قازاقستاندا 1200-دەن استام پوشتا ماركاسى اينالىمعا ەنگىزىلگەن. ولاردىڭ تاقىرىپتارى سان ءتۇرلى. تابيعات، تاريح، مادەنيەت، سپورت، عارىش، مەملەكەتىمىزدىڭ الەۋمەتتىك جانە ساياسي ءومىرى باعىتىندا پوشتا ماركالارى بار. بيىل ەلىمىزدىڭ ماركالار توپتاماسى XI ۇلتتىق «بەلفيلا – 2021» فيلاتەليا كورمەسىندە «قازاقستان رەسپۋبليكاسىنىڭ پوشتا ماركاسى» ەستەلىك التىن مەدالىمەن ماراپاتتالدى. بۇل شارا XXX حالىقارالىق «ۆيتەبسكتەگى سلاۆيان بازارى» ونەر فەستيۆالى اياسىندا ۇيىمداستىرىلدى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار