قازاقستان • 30 قىركۇيەك، 2021

شەنەۋنىكتەردىڭ جۇمساعان اقشاسى باقىلاۋدا بولادى

55 رەت كورسەتىلدى

قارجى-مونيتورينگ اگەنتتىگى جاريا لاۋازىمدى تۇلعالار مەن ولاردىڭ جاقىن تۋىستارى اقشامەن جانە وزگە م ۇلىكپەن جاساعان وپەراتسيالاردى قاداعالايتىن بولادى. ءتيىستى نورمالار پالاتا سپيكەرى نۇرلان نىعماتۋليننىڭ توراعالىعىمەن وتكەن قر پارلامەنتى ءماجىلىسىنىڭ جالپى وتىرىسىندا ماقۇلدانعان «قر كەيبىر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قامتىلعان، دەپ حابارلايدى Egemen.kz

ماجىلىسمەن سەرگەي سيمونوۆ بۇل زاڭ جوباسىنا پارلامەنت دەپۋتاتتارى باستاماشى بولعانىن حابارلادى.

«قازىرگى ۋاقىتتا ءبىزدىڭ ەلىمىز 2022 جىلدىڭ باسىندا جوسپارلانىپ وتىرعان قىلمىستىق كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل جونىندەگى ەۋرازيالىق توپتىڭ ءوزارا باعالاۋىنىڭ ەكىنشى راۋندىن وتكىزۋگە دايىندالۋدا. وسىعان بايلانىستى ۇلتتىق زاڭناماعا فاتف-تىڭ حالىقارالىق ستاندارتتارىنان (اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توپتارى) تۋىندايتىن ۇسىنىمداردى يمپلەمەنتاتسيالاۋ قاجەت»، دەدى ول.

ونىڭ ايتۋىنشا، زاڭنامالىق شارالار ساراپشىلاردا ءوزارا باعالاۋ كەزىندە تۋىنداۋى مۇمكىن سىن-ەسكەرتپەلەردى بولدىرماۋعا مۇمكىندىك بەرەدى. ياعني، بۇل شارالار كەيىننەن ءبىزدىڭ ەلىمىزدى حالىقارالىق ۇيىمدار مەن بۇۇ-عا مۇشە مەملەكەتتەر تاراپىنان ىقتيمال ەكونوميكالىق سانكتسيالاردان (ەمبارگو) ساقتاندىرۋعا مۇمكىندىك بەرەدى. زاڭ جوباسىندا الدىن الۋ سيپاتىنداعى بىرقاتار نەگىزگى جاڭالىقتار بار.

ء«بىرىنشى - قر جاريا لاۋازىمدى تۇلعالارى جۇزەگە اسىراتىن اقشامەن جانە وزگە م ۇلىكپەن جاسالاتىن وپەراتسيالار بويىنشا ءتيىستى باقىلاۋدى زاڭنامالىق دەڭگەيدە بەلگىلەۋ. بۇل تۇلعالاردىڭ ءتىزىمىن قر پرەزيدەنتى بەكىتەدى. ال قارجى مونيتورينگى اگەنتتىگى ءوز كەزەگىندە وسى ادامداردىڭ، ولاردىڭ وتباسى مۇشەلەرىنىڭ جانە جاقىن تۋىستارىنىڭ جەكە ءتىزىمىن جۇرگىزەتىن بولادى. ياعني، قازاقستاننىڭ جاريا لاۋازىمدى تۇلعالارى مەن ولاردىڭ جاقىندارى قارجى مونيتورينگى سۋبەكتىلەرىنەن ءتيىستى قىزمەتتەردى العان كەزدە قولدانىستاعى «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» زاڭعا سايكەس شەتەلدىك جاريا لاۋازىمدى تۇلعالار سياقتى قوسىمشا ءتيىستى تەكسەرۋدەن وتەدى»، دەپ ناقتىلادى ماجىلىسمەن.

جالپى، بۇل نورما قارجىلىق اشىقتىققا قول جەتكىزۋگە جانە ساياسي ماڭىزدى لاۋازىمدى تۇلعالاردىڭ سەنىپ تاپسىرىلعان وكىلەتتىكتەرىن پايدالانۋىنا بايلانىستى قۇقىق بۇزۋشىلىقتاردىڭ الدىن الۋعا باعىتتالعان.

«ەكىنشى - تسيفرلىق اكتيۆتەردى شىعارۋ، ولاردىڭ ساۋدا-ساتتىعىن ۇيىمداستىرۋ، سونداي-اق تسيفرلىق اكتيۆتەردى اقشاعا، قۇندىلىقتارعا جانە وزگە دە م ۇلىككە ايىرباستاۋ جونىندەگى قىزمەتتەردى ۇسىنۋ جونىندەگى قىزمەتتى جۇزەگە اسىراتىن تۇلعالاردى قارجى مونيتورينگى سۋبەكتىلەرىنە جاتقىزۋ. جوعارىدا اتالعان تۇلعالارعا قارجى مونيتورينگى سۋبەكتىلەرى مارتەبەسىن بەرۋ كوبىنەسە تسيفرلىق ايلا-شارعى جاساۋ ارقىلى جاسالاتىن زاڭسىز اقشا قاراجاتىن جىلىستاتۋدى قۋدالاۋدى وڭتايلاندىرۋعا جانە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جۇيەسىن تسيفرلىق قىزمەتتەر سالاسىندا تۋىندايتىن قاتەرلەرگە جانە قر اۋماعى شەگىندە وسىنداي ۆيرتۋالدى پلاتفورمالاردى زاڭسىز پايدالانۋعا دايىنداۋعا مۇمكىندىك بەرەدى»، دەپ حابارلادى پارلامەنتشى.

ءۇشىنشىسى - مەكەمەنىڭ زاڭدى يەسى تۋرالى اقپاراتتىڭ (تىكەلەي نەمەسە جاناما) اشىقتىعىن بەلگىلەۋ ماقساتىندا قارجى مونيتورينگى جونىندەگى ۋاكىلەتتى ورگانعا بيزنەس-سايكەستەندىرۋ نومىرلەرىنىڭ ۇلتتىق ءتىزىلىمىنىڭ دەرەكتەرىنە رۇقسات بەرۋ.

«قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» زاڭنىڭ قولدانىستاعى 5-بابى بويىنشا كليەنتتەر قارجى مونيتورينگى سۋبەكتىلەرىنە وزدەرىنىڭ بەنەفيتسيارلىق مەنشىك يەلەرى تۋرالى مالىمەتتەردى ۇسىنۋعا مىندەتتى. وسى مالىمەتتەر قازىرگى ۋاقىتتا ۋاكىلەتتى ورگانعا ەركىن نىساندا ۇسىنىلادى. سوندىقتان ۇسىنىمداردى تولىق يمپلەمەنتاتسيالاۋ ماقساتىندا قر قارجى نارىعىن رەتتەۋ جانە دامىتۋ اگەنتتىگىمەن جانە قر ۇلتتىق بانكىمەن كەلىسىم بويىنشا قارجى مونيتورينگى جونىندەگى ۋاكىلەتتى ورگانعا كليەنتتەردىڭ قارجى مونيتورينگىنىڭ بەلگىلى ءبىر سۋبەكتىلەرىنە بەنەفيتسيارلىق مەنشىك يەلەرى تۋرالى مالىمەتتەردى ۇسىنۋ نىسانىن بەلگىلەۋدى كوزدەيتىن تۇزەتۋلەر ۇسىنىلادى»، دەپ اتاپ ءوتتى دەپۋتات.

ول زاڭ جوباسىن قابىلداۋ جانە ىسكە اسىرۋ ۇلتتىق قارجى جۇيەسىنىڭ قاۋىپسىزدىگىن ارتتىرۋعا ىقپال ەتەدى، تەرىس الەۋمەتتىك-ەكونوميكالىق جانە قۇقىقتىق سالدارعا اكەپ سوقتىرمايدى جانە مەملەكەتتىك بيۋدجەتتەن قارجىلىق شىعىنداردى تالاپ ەتپەيدى دەپ قورىتىندىلادى.

سوڭعى جاڭالىقتار

قارۋ ۇرلاپ، ۇيلەردى توناعان

ايماقتار • بۇگىن، 10:35

ۆاكتسينا سالدىرعاندار سانى ءوستى

كوروناۆيرۋس • بۇگىن، 10:20

«قىزىل» ايماقتىڭ قاتارى سيرەمەي تۇر

كوروناۆيرۋس • بۇگىن، 09:45

2236 ادام كوروناۆيرۋستان جازىلدى

كوروناۆيرۋس • بۇگىن، 09:30

سىيلىق يەلەرى جاريا ەتىلدى

فۋتبول • بۇگىن، 08:58

راحمانبەردىنىڭ قۇستارى

ايماقتار • بۇگىن، 08:51

قازاق بيىنە قۇمارتقان قىز

ونەر • بۇگىن، 08:40

ىرىكتەۋ جارىستارى اياقتالدى

قىسقى سپورت • بۇگىن، 08:37

وڭىردە باعا بايلاۋعا كونبەي تۇر

ايماقتار • بۇگىن، 08:33

كۇردەلى جوندەۋدى قاجەت ەتەدى

ايماقتار • بۇگىن، 08:30

وسىمدىك مايىن وندىرە المايمىز با؟

قازاقستان • بۇگىن، 08:22

ەكى اۋىلعا گاز جەتتى

ايماقتار • بۇگىن، 08:20

سوت سەگىز مىڭنان استام ءىس قاراعان

قازاقستان • بۇگىن، 08:04

«وميكرون» ءورشىپ بارادى

كوروناۆيرۋس • بۇگىن، 08:00

ەسىمنەن كەتپەس ەكى ەتيۋد

رۋحانيات • كەشە

بەسىنشى ەلەمەنت

ونەر • كەشە

ۇقساس جاڭالىقتار