ءمامس جۇيەسى ەنگىزىلگەلى بەرى ەلىمىزدە مەديتسينالىق كومەكتىڭ كەڭ سپەكترلى مۇمكىندىكتەرىن مەديتسينالىق ساقتاندىرۋ دەڭگەيىندە الۋعا بولادى. ونىڭ ىشىندە جوعارى تەحنولوگيالىق مەديتسينالىق قىزمەتتەر دە بار. مەديتسينالىق ساقتاندىرۋ جۇيەسىندە ساقتاندىرىلعان ءار ازامات تولەنگەن جارنا مولشەرىنە قاراماستان ءمامس ارقىلى مەديتسينالىق قىزمەتتەردىڭ بارلىق پاكەتى بويىنشا, ونىڭ ىشىندە قۇنى قىمبات تۇراتىن جوعارى تەحنولوگيالىق مەديتسينالىق قىزمەتتەر دە بار, تەگىن مەديتسينالىق كومەك الادى.
«№1 كوپبەيىندى قالالىق اۋرۋحانادا ءمامس اياسىندا 10-نان اسا جوعارى تەحنولوگيالىق مەديتسينالىق قىزمەت كورسەتىلەدى. اتاپ ايتقاندا: باس جانە مويىن ارتەريالارىنىڭ ەندارتەريوەكتومياسى, باس جانە مويىن قان-تامىرلارىنىڭ ەندوۆاسكۋليارلىق ەمبوليزاتسياسى, جامباس-تىزە بۋىندارىن رەۆيزيا جاساۋ ارقىلى الماستىرۋ, تەرىنىڭ اللوترانسپلانتاتسياسى, ەكسترا جانە ينتراكرانيالدى قانتامىرلاردى شۋنتتاۋ, ت.ب.» دەدى ەلورداداعى №1 كوپبەيىندى قالالىق اۋرۋحانا ديرەكتورىنىڭ مەديتسينالىق قىزمەتتىڭ ساپاسىن باقىلاۋ جانە يننوۆاتسيا جونىندەگى ورىنباسارى باقىتجان ابدۋللاەۆ.
