پرەزيدەنت • 28 قىركۇيەك، 2021

اقتوتى رايىمقۇلوۆا مەملەكەت باسشىسىنا ەسەپ بەردى

64 رەت كورسەتىلدى

قاسىم-جومارت توقاەۆقا مادەنيەت، سپورت، تۋريزم جانە ارحيۆ سالالارىندا اتقارىلىپ جاتقان جۇمىستار بويىنشا مالىمەت بەرىلدى، دەپ حابارلايدى Egemen.kz اقورداعا سىلتەمە جاساپ.

سونىمەن قاتار ەل تاۋەلسىزدىگىنىڭ 30 جىلدىعىنا، ونەر جانە مادەنيەت قايراتكەرلەرىنىڭ مەرەيتويلارىنا ارنالعان ءىس-شارالار تۋرالى باياندالدى.

اقتوتى رايىمقۇلوۆا مەملەكەت باسشىسىنا شاكەن ايمانوۆ اتىنداعى «قازاقفيلم» كينوستۋدياسىنىڭ جۇمىسى، ۇلتتىق كينونى قولداۋدىڭ مەملەكەتتىك ورتالىعى، سونداي-اق «كينەماتوگرافيا تۋرالى» زاڭعا ەنگىزىلەتىن تولىقتىرۋلار تۋرالى مالىمەت بەردى. ونىڭ ايتۋىنشا، بيىل ساراپشىلار كەڭەسى مەن ۆەدومستۆوارالىق كوميسسيا ماقۇلداعان 42 كينوجوبانى قارجىلاي قولداۋ جوسپارلانعان.

قاسىم-جومارت توقاەۆقا شىعارماشىلىق ۇيىرمەلەر مەن سپورت سەكتسيالارىن جان باسىنا قاراي قارجىلاندىرۋ جۇمىستارى تۋرالى اقپارات بەرىلدى. ەلىمىزدە بالالار مەن جاسوسپىرىمدەردىڭ 50 پايىزىن قامتىعان 22 مىڭعا جۋىق شىعارماشىلىق ۇيىرمە مەن 126 مىڭ سپورت سەكتسياسى جۇمىس ىستەيدى.

مينيستر مادەنيەت جانە سپورت سالالارىنداعى زاڭناماعا وزگەرىستەر مەن تولىقتىرۋلار ەنگىزۋ جۇمىسى تۋرالى باياندادى.

سونىمەن قاتار، كەزدەسۋ بارىسىندا ىشكى ءتۋريزمدى دامىتۋدىڭ پەرسپەكتيۆالارى، وسى سالانى تسيفرلاندىرۋ ماسەلەلەرى تالقىلاندى. قازىرگى ۋاقىتتا بىرقاتار تسيفرلىق شەشىمدەر ىسكە قوسىلدى. Kazakhstan.travel ۇلتتىق تۋريستىك پورتالى، تۋريزم ونلاين، View Project، eQonaq جۇيەسى، گيدتەردىڭ بىرىڭعاي ءتىزىمى، سونداي-اق كورسەتىلگەن قىزمەت ساپاسىنا قاتىستى پىكىر نەمەسە شاعىم قالدىرۋعا مۇمكىندىك بەرەتىن E-Shagym ءمودۋلى سياقتى جاڭا رەسۋرستار ازىرلەنىپ جاتىر.

پرەزيدەنتكە يۋنەسكو-مەن ىنتىماقتاستىقتىڭ جاعدايى تۋرالى باياندالدى. بۇگىندە قازاقستان اتىنان بۇكىلالەمدىك مۇرا تىزىمىنە تاريحي جانە مادەني ون ەسكەرتكىش ەنگىزىلگەن. اقتوتى رايىمقۇلوۆانىڭ ايتۋىنشا، مينيسترلىك يۋنەسكو تىزىمىنە ماتەريالدىق جانە ماتەريالدىق ەمەس مادەني مۇرانىڭ جاڭا نىساندارىن ەنگىزۋ بويىنشا بەلسەندى جۇمىس جۇرگىزىپ جاتىر.

كەزدەسۋ سوڭىندا قاسىم-جومارت توقاەۆ مينيسترگە وسى باعىتتاعى جۇمىستاردى جالعاستىرۋدى تاپسىردى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار