قازاقستان • 28 قىركۇيەك، 2021

باس ءمۇفتي يندونەزيا ەلشىسىمەن كەزدەستى

45 رەت كورسەتىلدى

ەلوردادا قازاقستان مۇسىلماندارى ءدىني باسقارماسىنىڭ توراعاسى ناۋرىزباي قاجى تاعان ۇلى يندونەزيا رەسپۋبليكاسىنىڭ ەلىمىزدەگى ەلشىسى راحمات پرامونو مىرزانى قابىلدادى، دەپ حابارلايدى Egemen.kz.

كەزدەسۋدە ديپلومات يندونەزيا ەلى ءۇشىن قازاقستان مۇسىلماندارى ءدىني باسقارماسىمەن ارىپتەستىك بايلانىس ورناتۋ اسا ماڭىزدى قادام ەكەنىن اتاپ ءوتتى. باسقوسۋدا باس ءمۇفتي مەن ەلشى ءدىني اعارتۋ، حالال ونىمدەردى ستاندارتتاۋ، قازاقستان جانە يندونەزيا عۇلامالار كەڭەسى اراسىندا ارىپتەستىك ىنتىماقتاستىقتى ارتتىرۋ، وقۋ-ءبىلىم سالالارى بويىنشا بايلانىستى نىعايتۋ ماسەلەسىن تالقىلادى.

سونداي-اق ناۋرىزباي قاجى تاعان ۇلى ءدىني باسقارمانىڭ باستى جەتى باعىتتاعى جۇمىسى جايلى بايانداپ بەردى. كەزدەسۋ سوڭىندا تاراپتار وقۋ-اعارتۋ، ءبىلىم-عىلىم، حالال ستاندارتتاۋ سالاسى بويىنشا ورتاق جوبالاردى جۇزەگە اسىرۋعا ۋاعدالاستى.

ايتا كەتسەك، يندونەزيادا 235 ملن مۇسىلمان بار. حالىقتىڭ 83 پايىزى يسلام ءدىنىن ۇستانۋشىلاردىڭ ۇلەسىندە. اتالعان ەلدە 30-عا جۋىق يسلام ۋنيۆەرسيتەتى جۇمىس ىستەيدى. ونىڭ 23-ءى مەملەكەتتىك ۋنيۆەرسيتەت ەكەن. ەلشى يندونەزيادا ءدىن ىستەرى مينيسترلىگى اشىلعانىن اتاپ ءوتتى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار