قازاقستان • 28 قىركۇيەك، 2021

مەملەكەتتىك ساتىپ الۋ جۇيەسىن جەتىلدىرۋ جونىندەگى زاڭ جوباسى تالقىلاندى

29 رەت كورسەتىلدى

سەناتتا مەملەكەتتىك ساتىپ الۋ جۇيەسىن جەتىلدىرۋ جونىندەگى زاڭ جوباسى تالقىلاندى، دەپ حابارلايدى  Egemen.kz سەناتتىڭ ءباسپاسوز قىزمەتىنە سىلتەمە جاساپ.

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ساتىپ الۋ، جەر قويناۋىن پايدالانۋشىلار مەن تابيعي مونوپوليالار سۋبەكتىلەرىنىڭ ساتىپ الۋى، بايلانىس، اۆتوموبيل كولىگى جانە قورعانىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى.

مەملەكەتتىك ساتىپ الۋدى جۇزەگە اسىرۋعا ارنالعان نەگىزدەردىڭ سانىن ءبىر باستاۋدان الۋ ادىسىمەن قىسقارتۋ – زاڭ جوباسىنداعى جاڭالىقتاردىڭ ءبىرى بولىپ وتىر.

«زاڭ جوباسى مەملەكەتتىك ساتىپ الۋدى ەرەكشە جاعدايلاردا عانا تىكەلەي شارت جاساسۋ ارقىلى ءبىر كوزدەن الۋ تاسىلىمەن جۇزەگە اسىرۋدى كوزدەيدى. سونىمەن قاتار، ءتيىمسىز بولعان جاعدايدا ءبىر كوزدەن مەملەكەتتىك ساتىپ الۋ تۋرالى شەشىم قابىلداعان لاۋازىمدى تۇلعا مىندەتتى تۇردە جەكە جاۋاپتى بولادى»، دەدى سەناتور ەدىل مامىتبەكوۆ.

قۇجات سونداي-اق مەملەكەتتىك ساتىپ الۋدى وتكىزۋدىڭ 4 جاڭا ءتاسىلىن، ونىڭ ىشىندە شەكتى كەلىسىمدى، رەيتينگ-بالدىق جۇيەنى پايدالانا وتىرىپ، ەلەكتروندىق دۇكەن ارقىلى جانە ساتىپ الىناتىن تاۋارلار، جۇمىستار مەن كورسەتىلەتىن قىزمەتتەردىڭ ومىرلىك تىزبەگى قۇنىن ەسەپكە الا وتىرىپ ساتىپ الۋدا كونكۋرستىق ءتاسىلدى كوزدەيدى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار