قىركۇيەكتىڭ 28-29 كۇندەرى قوستاناي قالاسىندا ىبىراي ءالتىنساريننىڭ 180 جىلدىعىنا ارنالعان «ى.التىنسارين جانە اعارتۋشىلىق تاعىلىم: تاريحي وزەگى, تانىمدىق ءورىسى, زاماناۋي ورنەگى» حالىقارالىق عىلىمي-تاجىريبەلىك كونفەرەنتسيا وتەدى.
ءىس-شاراعا ءبىلىم جانە عىلىم ءمينيسترى اسحات ايماعامبەتوۆ, قوستاناي وبلىسىنىڭ اكىمى ارحيمەد مۇحامبەتوۆ, ى.التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى عاني بەيسەمباەۆ, سونداي-اق جوعارى وقۋ ورىندارىنىڭ رەكتورلارى مەن شەتەلدىك ساراپشىلار, عالىمدار قاتىسۋدا.
كونفەرەنتسيا بارىسىندا ىبىراي التىنسارين يدەيالارى جانە ونىڭ اعارتۋشىلىق مۇراسى, ى.التىنسارين مۇراسىن زەردەلەۋ مەن ناسيحاتتاۋدىڭ وزەكتى ماسەلەلەرى جانە ت.ب. تاقىرىپتار قوزعالاتىن بولادى.
بۇگىن ءبىلىم جانە عىلىم مينيسترلىگى باستاعان دەلەگاتسيا وڭىردەگى پەداگوگتەرمەن جانە ءبىلىم ۇيىمدارىنىڭ باسشىلارىمەن, دارىندى بالالارمەن كەزدەسەدى, سونداي-اق ا.بايتۇرسىنوۆ اتىنداعى قوستاناي وڭىرلىك ۋنيۆەرسيتەتىنە, قوستاناي جوعارى پوليتەحنيكالىق كوللەدجىنە بارۋ جوسپارلانۋدا.
ال كونفەرەنتسيانىڭ ەكىنشى كۇنى حالىقارالىق عىلىمي-پراكتيكالىق كونفەرەنتسيانىڭ پلەنارلىق وتىرىسى وتەدى. سونىمەن قاتار «ۇزدىك پەداگوگ-2021» بايقاۋىنىڭ جەڭىمپازدارىنا سەرتيفيكاتتار تابىستالادى دەپ جوسپارلانىپ وتىر.
