ويىن باستالا سالىسىمەن قوس كوماندا دا بىرنەشە گول سوعاتىن مۇمكىندىكتەر بولدى. اسىرەسە, ويىننىڭ ءبىرىنشى بولىگىندەگى باستاپقى مينۋتتاردا قازاقستاندىق فۋتزالشىلاردىڭ ءبىرىنشى بولىپ ەسەپ اشاتىن مۇمكىندىكتەرى ءبىر ەمەس ەكى رەت پايدا بولدى. بىراق قازاق جىگىتتەرى ەكەۋىندە دە ءمۇلت كەتتى. 1-تايمدى ءساتسىز باستاعان وتانداستارىمىز قاقپالارىنا قاتارىنان ەكى گول كىرگىزىپ الدى.
تەك ەكىنشى تايمدا ويىنشىلارىمىزدىڭ تىنىسى اشىلا باستاعانداي كورىندى.
ويىننىڭ 25-مينۋتىندا داۋرەن تۇرساعۇلوۆ ەسەپ ايىرماسىن قىسقارتىپ بەردى. 29-مينۋتتا ارنولد كناۋب ەسەپتى تەڭەستىردى. ال قازاقستان قۇراماسىنا جەڭىس اكەلگەن ءۇشىنشى گولدى سوڭعى مينۋتتاردا تاينان سوقتى.
وسىلايشا العاش رەت قازاقستان قۇراماسى فۋتزالدان الەم چەمپيوناتىنىڭ جارتىلاي فينالىنا جولداما الدى. بۇل - ۇلتتىق قۇرامامىزدىڭ ەل تاريحىندا قالاتىن ايرىقشا جەتىستىگى. مۇنىمەن ءبارى بىتكەن جوق. كەلەسى قارسىلاسىمىز تاجىريبەلى پورتۋگاليا قۇراماسى.
قازاقستان مەن پورتۋگاليا قۇرامالارى 30 قىركۇەيكتە كەزەدەسەدى.
