بۇعان دەيىن حابارلاعانىمىزداي ەلىمىزدە باق تۋرالى زاڭدى بۇزعان 6 شەتەلدىك سايتتىڭ جۇمىسى توقتاتىلدى.
بارلىق تىركەلگەن فاكتىلەر بويىنشا بۇقارالىق اقپارات قۇرالدارىنىڭ باسشىلارىنا زاڭ بۇزۋشىلىقتاردى جويۋ تۋرالى, سونداي-اق ولاردى الەۋمەتتىك جەلىلەردەن الىپ تاستاۋ تۋرالى نۇسقامالار جىبەرىلگەن. سونىمەن قاتار ءتيىستى اقپارات قۇقىق قورعاۋ ورگاندارىنا تابىستالدى.
وسى رەتتە اقپارات ءمينيسترى زاڭ تالاپتارى تەك باق قىزمەتكەرلەرىنە عانا ەمەس, بارلىق ازاماتتارعا جازىلعانىن ەسكە سالدى.
«الەۋمەتتىك تاقىرىپتاردى قامتۋ كەزىندە زاڭناما تالاپتارىن عانا ەمەس, سونىمەن قاتار كاسىبي ەتيكا, مورال مەن الەۋمەتتىك جاۋاپكەرشىلىك نورمالارىن دا ەسكەرۋ قاجەت ەكەنىن تۇسىنگەن ءجون.
بۇگىنگى Astana media week الاڭى - قۇقىقتىق ساۋاتتىلىقتى ارتتىرۋ, سونداي-اق وتاندىق مەديا سالاسى وكىلدەرىنىڭ كاسىبي بىلىكتىلىگىن ارتتىرۋ ماسەلەلەرىن شەشۋدىڭ ءتيىمدى تەتىكتەرىنىڭ ءبىرى.
قورىتا ايتقاندا, ءبىزدىڭ قوعامداعى الەۋمەتتىك جانجالداردى دۇرىس قامتۋ ماسەلەسىنىڭ كۇردەلىلىگىنە نازار اۋدارعىم كەلەدى.ء بىز مەملەكەتتىك ساياساتتىڭ ماڭىزدى باعىتتارىن اقپاراتتىق بويىنشا كومەك كورسەتۋگە ارقاشان دايىنبىز», دەدى ايدا بالاەۆا.
