اسكەري تىلشىلەردى «Egemen Qazaqstan» رەسپۋبليكالىق گازەتى» اكتسيونەرلىك قوعامى باسقارما توراعاسىنىڭ ورىنباسارى ايبىن شاعالاق قارسى الىپ, گازەتتىڭ دامۋ جوسپارىمەن تانىستىردى. سونىمەن بىرگە 60 جىلدان بەرى ىشكى اسكەر تىنىسى مەن جاڭالىقتارىنىڭ جارشىسى بولا بىلگەن گازەتتى مەرەيتويىمەن قۇتتىقتادى.
اسكەري تىلشىلەردى باستاپ كەلگەن «قالقان» گازەتىنىڭ باس رەداكتورى رۋسلان تۇرعىنباي ۇلى «ەگەمەن قازاقستان» گازەتىنىڭ بەتىندە ارنايى ايدار ارقىلى ەل قورعانىسىن كورسەتىپ, اسكەرگە شاقىرۋ ىسىندە بىرلەسە تاربيەلىك جۇمىس اتقارۋ بويىنشا ۇسىنىس جاسادى. رۋسلان تۇرعىنباي ۇلى ەلدەگى جوو ورىندارىندا اسكەري تاقىرىپتا قالام تەربەيتىن مامان دايىندالمايتىنىن, وسى ولقىلىقتىڭ ورنىن تولتىرۋ ماقساتىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن مەموراندۋم جاسالعانىن جەتكىزدى. «قالقان» گازەتىنىڭ قۇرامىنداعى ايماق تىلشىلەرى ەgemen.kz سايتىندا اۆتورلىق ماتەريالدارىن جاريالاۋعا ىنتالى ەكەنىن دە ءبىلدىردى.
باسقارما توراعاسىنىڭ ورىنباسارى ايبىن شاعالاق ءوز كەزەگىندە, «ەگەمەندىكتەردىڭ» تاجىريبە الماسۋعا اشىق, ارىپتەستىك-بايلانىس ورناتۋعا دايىن ەكەنىن ايتتى.
باس قوسۋ سوڭىندا قوس تاراپ تا ارنايى ەستەلىك سىيلىقتار تابىستادى.
ەسكە سالايىق, بيىل قازاقستان رەسپۋبليكاسى ءىىم ىشكى اسكەرلەرىنىڭ «قالقان» گازەتىنە 60 جىل تولدى.
