«تەمىرجول كولىگىندە قوزعالىس قاۋىپسىزدىگىن قامتاماسىز ەتۋ ەرەجەسىن بۇزۋ», «تەمىرجول كولىگىن پايدالانۋ ەرەجەسىن بۇزۋ», «الكوگولدىك ىشىمدىك ءىشۋ نەمەسە قوعامدىق ورىنعا ماساڭ كۇيدە كەلۋ» باپتارىمەن جاۋاپكەرشىلىككە تارتىلعان تۇرعىننان جاۋاپ الۋ كەزىندە ول پويىزدان «الماتى» دەگەن جازۋدى كورىپ, ءمىنىپ كەتۋدى ويلاعانىن ايتقان.
وقيعا 21 قىركۇيەك كۇنى ساعات 15:30 شاماسىندا «الماتى-اقتوبە» باعىتىنداعى جولاۋشىلار پويىزىندا بولعان. ەر ادام مانەۆرلىك تەپلوۆوزدىڭ ۇستىنە ءمىنىپ, ۆوگوننىڭ ۇستىنە سەكىرگەن. پەرروندا بولعان بۇزاقىلىق جەلىلىك پوليتسيا قىزمەتىنىڭ جەدەل ارەكەتىمەن دەرەۋ توقتاتىلدى.
«الماتى-اقتوبە» باعىتىنداعى جولاۋشى پويىزى اقتوبە ۆوكزالىنا كەلىپ, حالىق ءتۇسىپ بولعاننان كەيىن مانەۆرلىك تەپلوۆوزدار بوس ۆاگونداردى پارككە الىپ كەتەدى. سول كەزدە بەلگىسىز ەر ادام مانەۆرلىك تەپلوۆوزعا ءمىنىپ, ودان ۆاگونعا سەكىرگەن. تەمىرجولشىلاردىڭ ەسكەرتۋىن تىڭداماعان. پەرروندا جۇرگەن پوليتسيا قىزمەتكەرلەرى ونى جەرگە ءتۇسىرىپ, بولىمشەگە جەتكىزدى. ەر ادامنىڭ ىشىمدىك ىشكەنى انىقتالدى», دەيدى اقتوبە ستانتسياسى جەلىلىك پوليتسيا ءبولىمىنىڭ وكىلى جاكەن ارتىقوۆ.
قىلمىسكەر – 25-30 جاس شاماسىنداعى جۇمىسسىز جىگىت. ءوزىنىڭ ايتۋىنشا, اقتوبە قالاسىندا بەس جىلدان بەرى تۇرادى. تۋعان جەرى – الماتى وبلىسى. ول بۇعان دەيىن دە قوعامدىق ورىنعا ماساڭ كۇيدە كەلگەنى جانە ۇساق بۇزاقىلىق ءۇشىن جاۋاپكەرشىلىككە تارتىلعان.
