قازاقستان • 25 قىركۇيەك، 2021

يدم قازاقستان-قىتاي شەكاراسىنداعى جاعداي تۋرالى تۇسىنىكتەمە بەردى

32 رەت كورسەتىلدى

قر يندۋستريا جانە ينفراقۇرىلىمدىق دامۋ مينيسترلىگى قازاقستان مەن قىتاي اراسىنداعى تەمىرجول كولىگىمەن جۇك تاسىمالداۋ جاعدايىنا قاتىستى تۇسىنىكتەمە بەردى، دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.

«كوروناۆيرۋستىق ينفەكتسيانىڭ تارالۋىن بولدىرماۋ ماقساتىندا قحر ۇكىمەتى دوستىق-الاشانكوۋ جانە التىنكول-قورعاس شەكارالىق وتكەلدەرىندە باقىلاۋ شارالارىن كۇشەيتتى.

15 تامىزدان باستاپ الاشانكوۋ ستانتسياسىندا (قحر) COVID-19 اۋرۋىنىڭ جاڭا جاعدايلارىنىڭ انىقتالۋىنا بايلانىستى قىتاي تاراپى قىتاي-ەۋروپا-قىتاي ترانزيتتىك ءدالىزى بويىنشا وتەتىن جۇكتەرگە باسىمدىق بەرە وتىرىپ، پويىزداردى قابىلداۋدى/جونەلتۋدى شەكتەدى.

قازىرگى ۋاقىتتا قر يدم «قتج» ۇك» اق-مەن بىرلەسىپ وسى ماسەلەنى شەشۋ ءۇشىن بارلىق قاجەتتى شارالاردى قابىلداۋدا:

  • جۇكتەردىڭ 80%-ىن التىنكول-قورعاس ستانتسياسىنا قايتا باعىتتاۋ;
  • كونتەينەرلىك جۇكتەردىڭ ۇلەسىن ارتتىرۋ;
  • «قتج» ۇك» اق مەن ءۇرىمشى تەمىر جولىنىڭ باسشىلىعى دەڭگەيىندە اپتا سايىنعى كەزدەسۋلەردى جانە شەكارا ماڭى ستانتسيالارىنىڭ باستىقتارى دەڭگەيىندە كۇندەلىكتى كەڭەستەردى وتكىزۋ.

كەلىسسوزدەر قورىتىندىسى بويىنشا، ءۇرىمشى تەمىر جولىنىڭ باسشىلىعى قازىرگى ۋاقىتتا وسى ماسەلە بويىنشا جەرگىلىكتى ۇكىمەتپەن جۇمىس جۇرگىزىلىپ جاتىر دەپ سەندىردى»، دەلىنگەن قر يدم حابارلاماسىندا.

ۆەدومستۆودا تولىقتىرعانىنداي، 8 ايدىڭ قورىتىندىسى بويىنشا. قر مەن قحر اراسىنداعى جۇك تاسىمالى 14،4 ملن توننانى قۇراپ، 2%-عا ارتتى، ونىڭ ىشىندە كونتەينەرلىك تاسىمال - 579 مىڭ جفە، وتكەن جىلدىڭ سايكەس كەزەڭىمەن سالىستىرعاندا 35%-عا ارتتى.

جاعداي قر ۇكىمەتىنىڭ تۇراقتى باقىلاۋىندا، دەپ اتاپ ءوتتى قر يدم.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار