ايماقتار • 25 قىركۇيەك، 2021

شىمكەنتتە كارانتين رەجيمى ۇزارتىلدى

63 رەت كورسەتىلدى

شىمكەنتتىڭ باس مەملەكەتتىك سانيتار دارىگەرى ءابدىماناپ تولەباەۆ قالا اۋماعىندا كارانتين رەجيمىن ۇزارتۋ تۋرالى جاڭا قاۋلى جاريالادى، دەپ حابارلايدى Egemen.kz.

«شىمكەنت قالاسىندا كارانتين رەجيمى جانە كوروناۆيرۋس ينفەكتسياسىنىڭ تارالۋىنىڭ الدىن الۋ جونىندەگى شەكتەۋ ءىس-شارالارى ەپيدەميولوگيالىق جاعداي تۇراقتالعانعا دەيىن ۇزارتىلسىن»، دەلىنگەن قۇجاتتا.

جاڭا قاۋلىعا سايكەس، 65 جاستان اسقان ادامداردىڭ قالادا ءجۇرۋى شەكتەلەدى. قوعامدىق ورىنداردا بەتپەردە كيۋ، الەۋمەتتىك اراقاشىقتىقتى ساقتاۋ جانە انتيسەپتيكتەردى پايدالانۋ تالاپتارى قاتاڭ ساقتالۋى كەرەك. ساۋدا ورىندارىندا، حالىققا قىزمەت كورسەتۋ سالاسىنداعى نىسانداردا جانە ادامدار كوپ جينالۋى مۇمكىن ورىنداردا كۇندەلىكتى دەزينفەكتسيالىق ءىس-شارالار جۇرگىزىلەدى.

«Ashyq» جوباسىنا قاتىسۋشى بارلىق وبەكتىلەر ءۇشىن ساعات 00.00-گە دەيىن، «Ashyq» جوباسىنىڭ كوشباسشىلارى ءۇشىن – ساعات 02.00-گە دەيىن; دەمالىس كۇندەرى – ساعات 02.00-گە دەيىن، قىزمەتكەرلەر مەن كەلۋشىلەردە «جاسىل مارتەبە» بولعان جاعدايدا (ۆاكتسيناتسيا، سىناما العان كەزدەن باستاپ 7 تاۋلىكتەن اسپايتىن تەرىس ناتيجەسى بار پتر تەست، تۇراقتى مەديتسينالىق قارسى كورسەتىلىمدەرى بار، اۋىرىپ جازىلعان ادامدار سوڭعى 3 اي ىشىندە) «Ashyq» جوباسىنىڭ كوشباسشىلارى ءۇشىن – ساعات 02.00-گە دەيىن رۇقسات ەتىلەدى.

قاۋلىنىڭ تولىق ماتىنىمەن مىنا سىلتەمە ارقىلى تانىسۋعا بولادى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار