ايماقتار • 24 قىركۇيەك، 2021

قاراعاندىدا ەر ادامدى قۇلدىقتا ۇستاعان

426 رەت كورسەتىلدى

قاراعاندىلىق پوليتسەيلەر ەر ادامنىڭ بەينەوتىنىشىنە قاتىستى ءمان-جايدى انىقتاپ جاتىر. ۆيدەودا ەر ادام ەڭبەك قۇلدىعىنا تاپ بولعانىن مالەمدەدى، دەپ حابارلايدى Egemen.kz.

پاۆلودار وبلىسىنىڭ تۇرعىنى قاراعاندىنىڭ ماڭىندا ەڭبەك قۇلدىعىنا ۇستالعانى تۋرالى حابارلاپ، بەينەوتىنىش جازدى. ەر ادام جۇمىس بەرۋشىسى اتقارعان جۇمىسى ءۇشىن وعان اقى تولەمەي، ءتىپتى، ونى مەزگىل-مەزگىل ۇرىپ-سوعىپ وتىراتىنىنا شاعىمدانادى.

«تامىز ايىندا مەن ماراتقا جۇمىسقا تۇردىم. جەلەزين اۋدانىنا بارىپ، وندا ءبىر نىساندى وڭدەدىك. ول ەڭبەكاقىمدى تولەمەدى. جالاقىمدى سۇراعان كەزدە، ول مەنى ۇرىپ-سوقتى. سودان كەيىن قاراعاندىداعى ەكىنشى نىسانعا باردىق. وندا جۇمىس ىستەپ، جالاقىمدى تاعى سۇرادىم. ول مەنى تاعى ۇردى. 21-ءشى قىركۇيەكتە تۇسكى ۋاقىتتا نىساننان قاشىپ كەتتىم. مارات مەنىڭ ۇيالى تەلەفونىمدى، قۇجاتتارىم مەن جەكە زاتتارىمدى الىپ قويدى. و باستان بريگادا قۇرامىندا 6 ادام بولدى. قازىر ەكەۋى قالدى، ونىڭ بىرەۋى - قىرعىزستان ازاماتى. مەنىڭ جالاقىمدى تولەۋگە كومەكتەسۋدى جانە ونى ۇرىپ-سوعۋ فاكتىسى بويىنشا جاۋاپقا تارتۋدى سۇرايمىن»، دەيدى ەر ادام.

قاراعاندى وبلىسىنىڭ پوليتسيا دەپارتامەنتى بۇل ءىستىڭ ءمان-جايىن انىقتاپ جاتقانىن ءتۇسىندىردى.

«الەۋمەتتىك جەلىلەرگە مونيتورينگ جۇرگىزۋ بارىسىندا ەر ادامعا اتقارىلعان جۇمىس ءۇشىن اقشا تولەمەۋ جانە جۇمىس بەرۋشى تاراپىنان ۇرىپ-سوعۋ فاكتىسى بويىنشا بەينەوتىنىش جولداندى. اتالعان فاكتى قاراعاندى قالاسىنىڭ پوليتسيا باسقارماسىندا تىركەلدى. پوليتسيا قىزمەتكەرلەرى ۆيدەو اۆتورىنىڭ – پاۆلودار وبلىسىنىڭ 41 جاستاعى تۇرعىنىنىڭ جەكە باسىن انىقتادى. قازىرگى ۋاقىتتا ونىڭ ورنالاسقان جەرى انىقتالۋدا»، دەپ حابارلادى ۆەدومستۆونىڭ ءباسپاسوز قىزمەتى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار